Texts

atha vidhyavyapadeśe sarvakratvadhikāraḥ // (1) Par.?

mantravidhiś cādigrahaṇena // (2) Par.?

uttarādiḥ pūrvāntalakṣaṇam // (3) Par.?

ekaśrutividhānān mantrān karmāṇi codgātaiva kuryād anādeśe // (4) Par.?

yāvadyajur anādiṣṭāntān mantrān // (5) Par.?

ṛcaś cādigrahaṇena // (6) Par.?

ṛtvig ārṣeyo 'nūcānaḥ sādhucaraṇo vāgmy anyūnāṅgo 'natiriktāṅgo dvayasataś cānatikṛṣṇo 'natiśvetaḥ // (7) Par.?

yājyaś ca prathamais tribhir guṇair vyākhyātaḥ // (8) Par.?

somapravākam akariṣyan namaḥ somāya rājña ity uktvā pratyācakṣīta // (9) Par.?

mahan me voca iti kariṣyan pratimantrayeta // (10) Par.?

tan na jahyād aprokte 'pi kariṣyāmīti viditvā // (11) Par.?

āvasathaḥ sasomapravākāya lavaṇam annaṃ dadhnāhārayet // (12) Par.?

prahiṇuyāt prastotṛsubrahmaṇyau purastāt karmabhyaḥ // (13) Par.?

prāgudakpravaṇaṃ devayajanaṃ lomaśam avṛkṣaṃ samaṃ // (14) Par.?

purastāc cāsyāpaḥ syuḥ // (15) Par.?

tadabhāve mahāvṛkṣa udapāno mahāpatho vā // (16) Par.?

na cāsya sthalataram adūre syāt // (17) Par.?

devayajanamātraṃ ca purastāt // (18) Par.?

viparyasyābhicaraṇīyeṣu sthalād anyad devayajanamātrāc ca // (19) Par.?

svayaṃ vrajet kraya upavasathye vā // (20) Par.?

udaṅṅeva tu gṛhebhyaḥ prathamaṃ devo devam etv iti // (21) Par.?

dūraṃ vrajitvā vihāya dauṣkṛtyam iti // (22) Par.?

badvā nāmāsīti panthānam āpadya // (23) Par.?

uttaraṃ vedyantam ākramya dakṣiṇam īkṣamāṇaḥ pitaro bhūr iti // (24) Par.?

yajurantaraye 'nvāhāraṃ dhānañjayyaḥ // (25) Par.?

upekṣaṇaṃ śāṇḍilyaḥ // (26) Par.?