Texts

pra su jyeṣṭhaṃ nicirābhyām bṛhan namo havyam matim bharatā mṛﾱayadbhyāṃ svādiṣṭham mṛﾱayadbhyām / (1.1) Par.?

tā samrājā ghṛtāsutī yajñe yajña upastutā / (1.2) Par.?

athainoḥ kṣatraṃ na kutaś canādhṛṣe devatvaṃ nū cid ādhṛṣe // (1.3) Par.?

adarśi gātur urave varīyasī panthā ṛtasya sam ayaṃsta raśmibhiś cakṣur bhagasya raśmibhiḥ / (2.1) Par.?

dyukṣam mitrasya sādanam aryamṇo varuṇasya ca / (2.2) Par.?

athā dadhāte bṛhad ukthyaṃ vaya upastutyam bṛhad vayaḥ // (2.3) Par.?

jyotiṣmatīm aditiṃ dhārayatkṣitiṃ svarvatīm ā sacete dive dive jāgṛvāṃsā dive dive / (3.1) Par.?

jyotiṣmat kṣatram āśāte ādityā dānunas patī / (3.2) Par.?

mitras tayor varuṇo yātayajjano 'ryamā yātayajjanaḥ // (3.3) Par.?

ayam mitrāya varuṇāya śantamaḥ somo bhūtv avapāneṣv ābhago devo deveṣv ābhagaḥ / (4.1) Par.?

taṃ devāso juṣerata viśve adya sajoṣasaḥ / (4.2) Par.?

tathā rājānā karatho yad īmaha ṛtāvānā yad īmahe // (4.3) Par.?

yo mitrāya varuṇāyāvidhaj jano 'narvāṇaṃ tam pari pāto aṃhaso dāśvāṃsam martam aṃhasaḥ / (5.1) Par.?

tam aryamābhi rakṣaty ṛjūyantam anu vratam / (5.2) Par.?

ukthair ya enoḥ paribhūṣati vrataṃ stomair ābhūṣati vratam // (5.3) Par.?

namo dive bṛhate rodasībhyām mitrāya vocaṃ varuṇāya mīﾱhuṣe sumṛﾱīkāya mīﾱhuṣe / (6.1) Par.?

indram agnim upa stuhi dyukṣam aryamaṇam bhagam / (6.2) Par.?

jyog jīvantaḥ prajayā sacemahi somasyotī sacemahi // (6.3) Par.?

ūtī devānāṃ vayam indravanto maṃsīmahi svayaśaso marudbhiḥ / (7.1) Par.?

agnir mitro varuṇaḥ śarma yaṃsan tad aśyāma maghavāno vayaṃ ca // (7.2) Par.?