Texts

atha pārvaṇasthālīpākaḥ // (1) Par.?

tasya darśapūrṇamāsābhyām upavāsaḥ // (2) Par.?

idhmābarhiṣoś ca saṃnahanam // (3) Par.?

devatāś copāṃśuyājendramahendravarjam // (4) Par.?

kāmyā itarāḥ // (5) Par.?

tasyai tasyai devatāyai caturaś caturo muṣṭīn nirvapati pavitre antardhāya amuṣmai tvā juṣṭaṃ nirvapāmīti // (6) Par.?

athainān prokṣati yathāniruptam amuṣmai tvā juṣṭaṃ prokṣāmīti // (7) Par.?

avahatāṃstriḥ phalīkṛtān nānā śrapayet // (8) Par.?

samopya vā // (9) Par.?

yadi nānā śrapayed vibhajya taṇḍulān abhimṛśed idam amuṣmā idam amuṣmā iti // (10) Par.?

yady u vai samopya vyuddhāram juhuyāt // (11) Par.?

śṛtāni havīṃṣyabhighārya udag udvāsya barhiṣy āsādyedhmam abhighāryāyaṃ ta idhma ātmā jātavedas tenedhyasva vardhasva ceddha vardhaya ca asmān prajayā paśubhir brahmavarcasenānnādyena samedhaya svāhā iti // (12) Par.?

tūṣṇīm āghārāvāghārya ājyabhāgau juhuyād agnaye svāhā somāya svāheti // (13) Par.?

uttaram āgneyam dakṣiṇam saumyam // (14) Par.?

vijñāyate cakṣuṣī vā ete yajñasya yad ājyabhāgau // (15) Par.?

tasmāt puruṣasya pratyaṅmukhasyāsīnasya dakṣiṇam akṣy uttaram bhavaty uttaraṃ dakṣiṇam // (16) Par.?

madhye havīṃṣi pratyaktaram vā prāksaṃsthāny udaksaṃsthāni vā // (17) Par.?

uttarapurastāt sauviṣṭakṛtam // (18) Par.?

madhyāt pūrvārdhācca haviṣo 'vadyati // (19) Par.?

madhyāt pūrvārdhāt paścārdhād iti pañcāvattinām // (20) Par.?

uttarārdhāt sauviṣṭakṛtam // (21) Par.?

nātra havīṃṣi pratyabhighārayati // (22) Par.?

yad asya karmaṇo 'tyarīricam yad vā nyūnam ihākaram agniṣ ṭat sviṣṭakṛd vidvānt sarvaṃ sviṣṭaṃ suhutaṃ karotu me agnaye sviṣṭakṛte suhutahute sarvaprāyaścittāhutīnāṃ kāmānāṃ samardhayitre sarvānnaḥ kāmānt samardhaya svāheti // (23) Par.?

barhiṣi pūrṇapātraṃ ninayet // (24) Par.?

eṣo 'vabhṛthaḥ // (25) Par.?

pākayajñānām etat tantram // (26) Par.?

havirucchiṣṭaṃ dakṣiṇā // (27) Par.?