Texts

Select a text:
Bibliography

Select a chapter:
(no revisions)

Associated topic(s): agnihotra

Show parallels Show headlines
Use dependency labeler

Chapter id: 14951

Click on a sentence to show its analysis
Keep the mouse pointer over a lemma to show its meanings.

ādityāyāgniṃ gṛhṇāmi rātryā ahar iti prātarhomyam // (1) Par.?

agnis te tejo mā dhākṣīd iti darbhair abhidyotyāmṛtam asīti sruveṇa dohanasaṃkṣālanaṃ ninīya punar eva pūrvavad abhidyotyāntaritaṃ rakṣa iti triḥ paryagnikaroti // (2) Par.?

gharmo 'si rāyaspoṣavanir iti vartma kurvann udag udvāsayati // (3) Par.?

iha prajāṃ paśūn dṛṃheti vedyāṃ pratiṣṭhāpya prajāṃ me yacchety antike kṛtvā pratyūḍhaṃ janyaṃ bhayam iti gārhapatye 'ṅgārān dhṛṣṭyā pratyūhati // (4) Par.?

devasya tveti sruvam agnihotrahavaṇīṃ cādāya pratyuṣṭam iti niṣṭapya suparṇāṃ tvety agnihotrahavanīṃ saṃmārṣṭi // (5) Par.?

ariṣṭo yajamānaḥ patnī cety ubhayaṃ saṃmṛjyaum unneṣyāmīti sāyaṃ yajamānam āmantrayata om unnayāmīti prātaḥ // (6) Par.?

yajamāno havir devānām ity upāṃśūktvaum unnayety uccaiḥ pratyāha // (7) Par.?

unnayanaprabhṛtyā homān na caṅkramyate // (8) Par.?

vācaṃ yacchati // (9) Par.?

agnaye ca tvā pṛthivyai connayāmīti caturbhiḥ sthālyāś caturaḥ sruvān pūrṇān agnihotrahavaṇyām unnayaty uttamena dviḥ pañcāvattinaḥ // (10) Par.?

unnītaṃ daśahotrābhimṛśati // (11) Par.?

sajūr devaiḥ sāyaṃyāvabhir ity unnītaṃ sthālīṃ ca sāyaṃ saṃmṛśati sajūr devaiḥ prātaryāvabhir iti prātaḥ // (12) Par.?

Duration=0.081695079803467 secs.