Texts

sarvotkṛṣṭatvena gaganagrāsasādhanam āha kṣāretyādi // (1) Par.?

kṣudbodho rasarājasya jāyate iti śeṣaḥ // (2) Par.?

kaiḥ kṛtvā kṣārauṣadhipaṭvamlaiḥ kṣārauṣadhayo 'himārādayaḥ paṭu saindhavam amlam amlavetasādi etaiḥ kṣudutpattir bhaved ityarthaḥ // (3) Par.?

kṣārauṣadhayo yathā / (4.1) Par.?

ahimāramapāmārge taṇḍulīyakasaṃyutam / (4.2) Par.?

snuhyarkakaravīraṃ ca lāṅgalīkṣīrakandau // (4.3) Par.?

karkoṭīṃ kañcukīṃ tumbāṃ palāśaṃ cāgnimanthakam / (5.1) Par.?

karīraṃ citrakaṃ śigruṃ varuṇaṃ vetasaṃ vaṭam // (5.2) Par.?

paṭolyarjunakūṣmāṇḍakadalīvajrakandakam / (6.1) Par.?

aśvatthaṃ sūraṇaṃ jālīṃ dahet kandān anekaśaḥ // (6.2) Par.?

antardhūmena sarvāṃśca devadālīṃ dahettathā / (7.1) Par.?

auṣadhikṣāranāmāsau gaṇastu parikīrtitaḥ // (7.2) Par.?

iti // (8) Par.?

amlaṃ yathā / (9.1) Par.?

amlavetasajambīraṃ lakucaṃ bījapūrakam / (9.2) Par.?

cāṅgerī caṇakāmlaṃ ca nāraṅgaṃ tittiḍī tathā // (9.3) Par.?

ambaṣṭhā karamardaśca kapitthaḥ karaṇādikaḥ / (10.1) Par.?

pañcāmlasaṃyuto vā syādamlavargaḥ prakīrtitaḥ // (10.2) Par.?

caṇakāmlaṃ ca sarveṣām ekameva praśasyate / (11.1) Par.?

amlavetasamekaṃ vā sarveṣāmuttamottamam // (11.2) Par.?

iti // (12) Par.?

ityetaiḥ kṣārauṣadhipaṭvamlaiḥ kṣudbodho bhavet rāgabandhane ca bhavetāṃ rāgo rañjanaṃ bandhanaṃ pūrvam upavarṇitam // (13) Par.?

kuto hetoḥ etaiḥ pūrvoktaiḥ karaṇarūpaiḥ svedāt // (14) Par.?

punariti viśeṣaṇe // (15) Par.?

pakṣacchedaḥ rasapakṣāpakartanaṃ yathā sthiro bhavati dravyatvaṃ guṇavattvaṃ vā gaganamabhrakaṃ vinā na bhavatītyarthaḥ // (16) Par.?