UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 9781
- Click on a sentence to show its analysis
- Keep the mouse pointer over a lemma to show its meanings.
pra ketunā bṛhatā yāty agnir ā rodasī vṛṣabho roravīti / (1.1)
Par.?
divaś cid antāṁ upamāṁ ud ānaḍ apām upasthe mahiṣo vavardha // (1.2)
Par.?
mumoda garbho vṛṣabhaḥ kakudmān asremā vatsaḥ śimīvāṁ arāvīt / (2.1)
Par.?
sa devatāty udyatāni kṛṇvan sveṣu kṣayeṣu prathamo jigāti // (2.2)
Par.?
ā yo mūrdhānam pitror arabdha ny adhvare dadhire sūro arṇaḥ / (3.1)
Par.?
asya patmann aruṣīr aśvabudhnā ṛtasya yonau tanvo juṣanta // (3.2)
Par.?
uṣa uṣo hi vaso agram eṣi tvaṃ yamayor abhavo vibhāvā / (4.1)
Par.?
ṛtāya sapta dadhiṣe padāni janayan mitraṃ tanve svāyai // (4.2)
Par.?
bhuvaś cakṣur maha ṛtasya gopā bhuvo varuṇo yad ṛtāya veṣi / (5.1)
Par.?
bhuvo apāṃ napāj jātavedo bhuvo dūto yasya havyaṃ jujoṣaḥ // (5.2)
Par.?
bhuvo yajñasya rajasaś ca netā yatrā niyudbhiḥ sacase śivābhiḥ / (6.1)
Par.?
divi mūrdhānaṃ dadhiṣe svarṣāṃ jihvām agne cakṛṣe havyavāham // (6.2)
Par.?
asya tritaḥ kratunā vavre antar icchan dhītim pitur evaiḥ parasya / (7.1)
Par.?
sacasyamānaḥ pitror upasthe jāmi bruvāṇa āyudhāni veti // (7.2)
Par.?
sa pitryāṇy āyudhāni vidvān indreṣita āptyo abhy ayudhyat / (8.1)
Par.?
triśīrṣāṇaṃ saptaraśmiṃ jaghanvān tvāṣṭrasya cin niḥ sasṛje trito gāḥ // (8.2)
Par.?
bhūrīd indra ud inakṣantam ojo 'vābhinat satpatir manyamānam / (9.1)
Par.?
tvāṣṭrasya cid viśvarūpasya gonām ā cakrāṇas trīṇi śīrṣā parā vark // (9.2)
Par.?
Duration=0.039758920669556 secs.