UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Indra
Show parallels
Show headlines
Use dependency labeler
Chapter id: 9796
- Click on a sentence to show its analysis
- Keep the mouse pointer over a lemma to show its meanings.
yajāmaha indraṃ vajradakṣiṇaṃ harīṇāṃ rathyaṃ vivratānām / (1.1)
Par.?
pra śmaśru dodhuvad ūrdhvathā bhūd vi senābhir dayamāno vi rādhasā // (1.2)
Par.?
harī nv asya yā vane vide vasv indro maghair maghavā vṛtrahā bhuvat / (2.1)
Par.?
ṛbhur vāja ṛbhukṣāḥ patyate śavo 'va kṣṇaumi dāsasya nāma cit // (2.2)
Par.?
yadā vajraṃ hiraṇyam id athā rathaṃ harī yam asya vahato vi sūribhiḥ / (3.1)
Par.?
ā tiṣṭhati maghavā sanaśruta indro vājasya dīrghaśravasas patiḥ // (3.2)
Par.?
so cin nu vṛṣṭir yūthyā svā sacāṁ indraḥ śmaśrūṇi haritābhi pruṣṇute / (4.1)
Par.?
ava veti sukṣayaṃ sute madhūd id dhūnoti vāto yathā vanam // (4.2)
Par.?
yo vācā vivāco mṛdhravācaḥ purū sahasrāśivā jaghāna / (5.1)
Par.?
tat tad id asya pauṃsyaṃ gṛṇīmasi piteva yas taviṣīṃ vāvṛdhe śavaḥ // (5.2)
Par.?
stomaṃ ta indra vimadā ajījanann apūrvyam purutamaṃ sudānave / (6.1)
Par.?
vidmā hy asya bhojanam inasya yad ā paśuṃ na gopāḥ karāmahe // (6.2)
Par.?
mākir na enā sakhyā vi yauṣus tava cendra vimadasya ca ṛṣeḥ / (7.1)
Par.?
vidmā hi te pramatiṃ deva jāmivad asme te santu sakhyā śivāni // (7.2)
Par.?
Duration=0.029838085174561 secs.