Texts

āśuḥ śiśāno vṛṣabho na bhīmo ghanāghanaḥ kṣobhaṇaś carṣaṇīnām / (1.1) Par.?

saṃkrandano 'nimiṣa ekavīraḥ śataṃ senā ajayat sākam indraḥ // (1.2) Par.?

saṃkrandanenānimiṣeṇa jiṣṇunā yutkāreṇa duścyavanena dhṛṣṇunā / (2.1) Par.?

tad indreṇa jayata tat sahadhvaṃ yudho nara iṣuhastena vṛṣṇā // (2.2) Par.?

sa iṣuhastaiḥ sa niṣaṅgibhir vaśī saṃsraṣṭā sa yudha indro gaṇena / (3.1) Par.?

saṃsṛṣṭajit somapā bāhuśardhy ugradhanvā pratihitābhir astā // (3.2) Par.?

bṛhaspate pari dīyā rathena rakṣohāmitrāṁ apabādhamānaḥ / (4.1) Par.?

prabhañjan senāḥ pramṛṇo yudhā jayann asmākam edhy avitā rathānām // (4.2) Par.?

balavijñāya sthaviraḥ pravīraḥ sahasvān vājī sahamāna ugraḥ / (5.1) Par.?

abhivīro abhisatvā sahojā jaitram indra ratham ā tiṣṭha govit // (5.2) Par.?

gotrabhidaṃ govidaṃ vajrabāhuṃ jayantam ajma pramṛṇantam ojasā / (6.1) Par.?

imaṃ sajātā anu vīrayadhvam indraṃ sakhāyo anu saṃ rabhadhvam // (6.2) Par.?

abhi gotrāṇi sahasā gāhamāno 'dayo vīraḥ śatamanyur indraḥ / (7.1) Par.?

duścyavanaḥ pṛtanāṣāḍ ayudhyo 'smākaṃ senā avatu pra yutsu // (7.2) Par.?

indra āsāṃ netā bṛhaspatir dakṣiṇā yajñaḥ pura etu somaḥ / (8.1) Par.?

devasenānām abhibhañjatīnāṃ jayantīnām maruto yantv agram // (8.2) Par.?

indrasya vṛṣṇo varuṇasya rājña ādityānām marutāṃ śardha ugram / (9.1) Par.?

mahāmanasām bhuvanacyavānāṃ ghoṣo devānāṃ jayatām ud asthāt // (9.2) Par.?

ud dharṣaya maghavann āyudhāny ut satvanām māmakānām manāṃsi / (10.1) Par.?

ud vṛtrahan vājināṃ vājināny ud rathānāṃ jayatāṃ yantu ghoṣāḥ // (10.2) Par.?

asmākam indraḥ samṛteṣu dhvajeṣv asmākaṃ yā iṣavas tā jayantu / (11.1) Par.?

asmākaṃ vīrā uttare bhavantv asmāṁ u devā avatā haveṣu // (11.2) Par.?

amīṣāṃ cittam pratilobhayantī gṛhāṇāṅgāny apve parehi / (12.1) Par.?

abhi prehi nir daha hṛtsu śokair andhenāmitrās tamasā sacantām // (12.2) Par.?

pretā jayatā nara indro vaḥ śarma yacchatu / (13.1) Par.?

ugrā vaḥ santu bāhavo 'nādhṛṣyā yathāsatha // (13.2) Par.?