Texts

Help

Select a text:
Bibliography

Select a chapter:
(no revisions)

Associated topic(s): Alchemy

Show parallels Show headlines
Use dependency labeler

Chapter id: 1003

Click on a sentence to show its analysis
Keep the mouse pointer over a lemma to show its meanings.

pūrvasmin yoge pātanasaṃskārārthaṃ tāmrātsūtaḥ sūtāc ca tāmraṃ pṛthak saptavārakṛtam // (1) Par.?

ihāpi yoge tadeva kariṣyate paraṃ tatra pātanāyehaiva pātitasyotthāpanāyeti viśeṣaḥ // (2) Par.?

tac caivam // (3) Par.?

rasapala66 tāmracūrṇapala16 lavaṇapala2 sarvaṃ nimbukarase mṛditvā pūrvavatpīṭhīṃ kṛtvā sthālikāyāṃ kṣiptvopari ca madhye mukhasthālīṃ dattvā dvayormukhayoge karpaṭamṛttikayā lipyate // (4) Par.?

eṣa ḍamarukanāmā vidyādharanāmā ca yantra ucyate // (5) Par.?

tato yā upari sthālī tasyā bundhe bāhyapārśve gomayaṃ dattvādhastanasthabundhādho yāmamātraṃ mṛduvahnir jvālanīyaḥ // (6) Par.?

tataḥ sūta uḍḍīyoparitanasthālyāṃ yāti // (7) Par.?

tāmraṃ cādhaḥ sthālyāṃ tiṣṭhati // (8) Par.?

evaṃ punaḥ punaḥ saptavāraṃ sūtotthāpane kṛte raso vyāpako bhavati // (9) Par.?

vyāpako nāma tīkṣṇaḥ prasaraṇaśīlaś ca // (10) Par.?

iti pātitarasasyotthāpanasaṃskāraḥ ṣaṣṭhaḥ // (11) Par.?

Duration=0.031283855438232 secs.