Texts

ata ūrdhvaṃ prācīnāvītinā vāgyatena kṛtyam // (1) Par.?

savyena pāṇinā darbhapiñjūlīṃ gṛhītvā dakṣiṇāgrāṃ lekhāṃ ullikhed apahatā asurā iti // (2) Par.?

savyenaiva pāṇinolmukaṃ gṛhītvā dakṣiṇārdhe karṣūṇāṃ nidadhyād ye rūpāṇi pratimuñcamānā iti // (3) Par.?

atha pitṝn āvāhayaty eta pitaraḥ somyāsa iti // (4) Par.?

athodapātrān karṣūṣu nidadhyāt // (5) Par.?

savyenaiva pāṇinodapātraṃ gṛhītvāvasalavi pūrvasyāṃ karṣvāṃ darbheṣu ninayet pitur nāma gṛhītvāsāv avanenikṣva ye cātra tvānu yāṃś ca tvam anu tasmai te svadheti // (6) Par.?

apa upaspṛśyaivam evetarayoḥ // (7) Par.?

savyenaiva pāṇinā darvīṃ gṛhītvā saṃnītāt tṛtīyamātram avadāyāvasalavi pūrvasyāṃ karṣvāṃ darbheṣu nidadhyāt pitur nāma gṛhītvāsāv eṣa te piṇḍo ye cātra tvānu yāṃś ca tvam anu tasmai te svadheti // (8) Par.?

apa upaspṛśyaivam evetarayoḥ // (9) Par.?

yadi nāmāni na vidyāt svadhā pitṛbhyaḥ pṛthivīṣadbhya iti prathamaṃ piṇḍaṃ nidadhyāt svadhā pitṛbhyo 'ntarīkṣasadbhya iti dvitīyaṃ svadhā pitṛbhyo diviṣadbhya iti tṛtīyam // (10) Par.?

nidhāya japaty atra pitaro mādayadhvaṃ yathābhāgam āvṛṣāyadhvam iti // (11) Par.?

apaparyāvṛtya purocchvāsād abhiparyāvartamāno japed amī madanta pitaro yathābhāgam āvṛṣāyiṣateti // (12) Par.?

savyenaiva pāṇinā darbhapiñjūlīṃ gṛhītvāvasalavi pūrvasyāṃ karṣvāṃ piṇḍe nidadhyāt pitur nāma gṛhītvāsāvetat ta āñjanaṃ ye cātra tvānu yāṃś ca tvam anu tasmai te svadheti // (13) Par.?

apa upaspṛśyaivam evetarayoḥ // (14) Par.?

tathā tailam // (15) Par.?

tathā surabhi // (16) Par.?

atha nihnute // (17) Par.?

pūrvasyāṃ karṣvāṃ dakṣiṇottānau pāṇī kṛtvā namo vaḥ pitaro jīvāya namo vaḥ pitaraḥ śūṣāyeti // (18) Par.?

madhyamāyāṃ savyottānau namo vaḥ pitaro ghorāya namo vaḥ pitaro rasāyeti // (19) Par.?

uttamāyāṃ dakṣiṇottānau namo vaḥ pitaraḥ svadhāyai namo vaḥ pitaro manyava iti // (20) Par.?

athāñjalikṛto japati namo vaḥ pitaraḥ pitaro namo va iti // (21) Par.?

gṛhān avekṣate gṛhān naḥ pitaro datteti // (22) Par.?

piṇḍān avekṣate sado vaḥ pitaro deṣmeti // (23) Par.?

savyenaiva pāṇinā sūtratantuṃ gṛhītvāvasalavi pūrvasyāṃ karṣvāṃ piṇḍe nidadhyāt pitur nāma gṛhītvāsāvetat te vāso ye cātra tvānu yāṃś ca tvam anu tasmai te svadheti // (24) Par.?

apa upaspṛśyaivam evetarayoḥ // (25) Par.?

savyenaiva pāṇinodapātraṃ gṛhītvāvasalavi piṇḍān pariṣiñced ūrjaṃ vahantīr iti // (26) Par.?

madhyamaṃ piṇḍaṃ patnī putrakāmā prāśnīyād ādhatta pitaro garbham iti // (27) Par.?

yo vā teṣāṃ brāhmaṇānām ucchiṣṭabhāk syāt // (28) Par.?

abhūn no dūto haviṣo jātavedā ity ulmukam adbhir abhyukṣya // (29) Par.?

dvandvaṃ pātrāṇi prakṣālya pratyatihārayet // (30) Par.?

apsu piṇḍān sādayet // (31) Par.?

praṇīte vāgnau // (32) Par.?

brāhmaṇaṃ vā bhojayet // (33) Par.?

gave vā dadyāt // (34) Par.?

vṛddhipūrteṣu yugmān āśayet // (35) Par.?

pradakṣiṇam upacāraḥ // (36) Par.?

yavais tilārthaḥ // (37) Par.?