UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1642
- Click on a sentence to show its analysis
- Keep the mouse pointer over a lemma to show its meanings.
kharaṃ tu rāmābhimukhaṃ prayāntaṃ vāhinīpatiḥ / (1.1)
Par.?
rākṣasas triśirā nāma saṃnipatyedam abravīt // (1.2)
Par.?
māṃ niyojaya vikrānta saṃnivartasva sāhasāt / (2.1)
Par.?
paśya rāmaṃ mahābāhuṃ saṃyuge vinipātitam // (2.2)
Par.?
pratijānāmi te satyam āyudhaṃ cāham ālabhe / (3.1)
Par.?
yathā rāmaṃ vadhiṣyāmi vadhārhaṃ sarvarakṣasām // (3.2)
Par.?
ahaṃ vāsya raṇe mṛtyur eṣa vā samare mama / (4.1)
Par.?
vinivartya raṇotsāhaṃ muhūrtaṃ prāśniko bhava // (4.2)
Par.?
prahṛṣṭo vā hate rāme janasthānaṃ prayāsyasi / (5.1)
Par.?
mayi vā nihate rāmaṃ saṃyugāyopayāsyasi // (5.2)
Par.?
kharas triśirasā tena mṛtyulobhāt prasāditaḥ / (6.1)
Par.?
gaccha yudhyety anujñāto rāghavābhimukho yayau // (6.2)
Par.?
triśirāś ca rathenaiva vājiyuktena bhāsvatā / (7.1)
Par.?
abhyadravad raṇe rāmaṃ triśṛṅga iva parvataḥ // (7.2)
Par.?
śaradhārāsamūhān sa mahāmegha ivotsṛjan / (8.1)
Par.?
vyasṛjat sadṛśaṃ nādaṃ jalārdrasyeva dundubheḥ // (8.2)
Par.?
āgacchantaṃ triśirasaṃ rākṣasaṃ prekṣya rāghavaḥ / (9.1)
Par.?
dhanuṣā pratijagrāha vidhunvan sāyakāñ śitān // (9.2)
Par.?
sa samprahāras tumulo rāmatriśirasor mahān / (10.1)
Par.?
babhūvātīva balinoḥ siṃhakuñjarayor iva // (10.2)
Par.?
tatas triśirasā bāṇair lalāṭe tāḍitas tribhiḥ / (11.1)
Par.?
amarṣī kupito rāmaḥ saṃrabdham idam abravīt // (11.2)
Par.?
aho vikramaśūrasya rākṣasasyedṛśaṃ balam / (12.1)
Par.?
puṣpair iva śarair yasya lalāṭe 'smi parikṣataḥ / (12.2)
Par.?
mamāpi pratigṛhṇīṣva śarāṃś cāpaguṇacyutān // (12.3)
Par.?
evam uktvā tu saṃrabdhaḥ śarān āśīviṣopamān / (13.1)
Par.?
triśirovakṣasi kruddho nijaghāna caturdaśa // (13.2)
Par.?
caturbhis turagān asya śaraiḥ saṃnataparvabhiḥ / (14.1)
Par.?
nyapātayata tejasvī caturas tasya vājinaḥ // (14.2)
Par.?
aṣṭabhiḥ sāyakaiḥ sūtaṃ rathopasthe nyapātayat / (15.1)
Par.?
rāmaś cicheda bāṇena dhvajaṃ cāsya samucchritam // (15.2)
Par.?
tato hatarathāt tasmād utpatantaṃ niśācaram / (16.1) Par.?
bibheda rāmas taṃ bāṇair hṛdaye so 'bhavaj jaḍaḥ // (16.2)
Par.?
sāyakaiś cāprameyātmā sāmarṣas tasya rakṣasaḥ / (17.1)
Par.?
śirāṃsy apātayat trīṇi vegavadbhis tribhiḥ śataiḥ // (17.2)
Par.?
sa bhūmau śoṇitodgārī rāmabāṇābhipīḍitaḥ / (18.1)
Par.?
nyapatat patitaiḥ pūrvaṃ svaśirobhir niśācaraḥ // (18.2)
Par.?
hataśeṣās tato bhagnā rākṣasāḥ kharasaṃśrayāḥ / (19.1)
Par.?
dravanti sma na tiṣṭhanti vyāghratrastā mṛgā iva // (19.2)
Par.?
tān kharo dravato dṛṣṭvā nivartya ruṣitaḥ svayam / (20.1)
Par.?
rāmam evābhidudrāva rāhuś candramasaṃ yathā // (20.2)
Par.?
Duration=0.18253183364868 secs.