UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1819
- Click on a sentence to show its analysis
- Keep the mouse pointer over a lemma to show its meanings.
ayam ākhyāti me rāma sacivo mantrisattamaḥ / (1.1)
Par.?
hanumān yannimittaṃ tvaṃ nirjanaṃ vanam āgataḥ // (1.2)
Par.?
lakṣmaṇena saha bhrātrā vasataś ca vane tava / (2.1)
Par.?
rakṣasāpahṛtā bhāryā maithilī janakātmajā // (2.2)
Par.?
tvayā viyuktā rudatī lakṣmaṇena ca dhīmatā / (3.1)
Par.?
antaraṃ prepsunā tena hatvā gṛdhraṃ jaṭāyuṣam // (3.2)
Par.?
bhāryāviyogajaṃ duḥkhaṃ nacirāt tvaṃ vimokṣyase / (4.1)
Par.?
ahaṃ tām ānayiṣyāmi naṣṭāṃ vedaśrutiṃ yathā // (4.2)
Par.?
rasātale vā vartantīṃ vartantīṃ vā nabhastale / (5.1)
Par.?
aham ānīya dāsyāmi tava bhāryām ariṃdama // (5.2)
Par.?
idaṃ tathyaṃ mama vacas tvam avehi ca rāghava / (6.1)
Par.?
tyaja śokaṃ mahābāho tāṃ kāntām ānayāmi te // (6.2)
Par.?
anumānāt tu jānāmi maithilī sā na saṃśayaḥ / (7.1)
Par.?
hriyamāṇā mayā dṛṣṭā rakṣasā krūrakarmaṇā // (7.2)
Par.?
krośantī rāma rāmeti lakṣmaṇeti ca visvaram / (8.1)
Par.?
sphurantī rāvaṇasyāṅke pannagendravadhūr yathā // (8.2)
Par.?
ātmanā pañcamaṃ māṃ hi dṛṣṭvā śailataṭe sthitam / (9.1)
Par.?
uttarīyaṃ tayā tyaktaṃ śubhāny ābharaṇāni ca // (9.2)
Par.?
tāny asmābhir gṛhītāni nihitāni ca rāghava / (10.1)
Par.?
ānayiṣyāmy ahaṃ tāni pratyabhijñātum arhasi // (10.2)
Par.?
tam abravīt tato rāmaḥ sugrīvaṃ priyavādinam / (11.1)
Par.?
ānayasva sakhe śīghraṃ kimarthaṃ pravilambase // (11.2)
Par.?
evam uktas tu sugrīvaḥ śailasya gahanāṃ guhām / (12.1)
Par.?
praviveśa tataḥ śīghraṃ rāghavapriyakāmyayā // (12.2)
Par.?
uttarīyaṃ gṛhītvā tu śubhāny ābharaṇāni ca / (13.1)
Par.?
idaṃ paśyeti rāmāya darśayāmāsa vānaraḥ // (13.2)
Par.?
tato gṛhītvā tadvāsaḥ śubhāny ābharaṇāni ca / (14.1)
Par.?
abhavad bāṣpasaṃruddho nīhāreṇeva candramāḥ // (14.2)
Par.?
sītāsnehapravṛttena sa tu bāṣpeṇa dūṣitaḥ / (15.1)
Par.?
hā priyeti rudan dhairyam utsṛjya nyapatat kṣitau // (15.2)
Par.?
hṛdi kṛtvā sa bahuśas tam alaṃkāram uttamam / (16.1)
Par.?
niśaśvāsa bhṛśaṃ sarpo bilastha iva roṣitaḥ // (16.2) Par.?
avicchinnāśruvegas tu saumitriṃ vīkṣya pārśvataḥ / (17.1)
Par.?
paridevayituṃ dīnaṃ rāmaḥ samupacakrame // (17.2)
Par.?
paśya lakṣmaṇa vaidehyā saṃtyaktaṃ hriyamāṇayā / (18.1)
Par.?
uttarīyam idaṃ bhūmau śarīrād bhūṣaṇāni ca // (18.2)
Par.?
śādvalinyāṃ dhruvaṃ bhūmyāṃ sītayā hriyamāṇayā / (19.1)
Par.?
utsṛṣṭaṃ bhūṣaṇam idaṃ tathārūpaṃ hi dṛśyate // (19.2)
Par.?
brūhi sugrīva kaṃ deśaṃ hriyantī lakṣitā tvayā / (20.1)
Par.?
rakṣasā raudrarūpeṇa mama prāṇasamā priyā // (20.2)
Par.?
kva vā vasati tad rakṣo mahad vyasanadaṃ mama / (21.1)
Par.?
yannimittam ahaṃ sarvān nāśayiṣyāmi rākṣasān // (21.2)
Par.?
haratā maithilīṃ yena māṃ ca roṣayatā bhṛśam / (22.1)
Par.?
ātmano jīvitāntāya mṛtyudvāram apāvṛtam // (22.2)
Par.?
mama dayitatamā hṛtā vanād rajanicareṇa vimathya yena sā / (23.1)
Par.?
kathaya mama ripuṃ tam adya vai pravagapate yamasaṃnidhiṃ nayāmi // (23.2)
Par.?
Duration=0.10156893730164 secs.