Texts

ṛṣer vacanam ājñāya rāmaḥ saṃdhyām upāsitum / (1.1) Par.?

upākrāmat saraḥ puṇyam apsarobhir niṣevitam // (1.2) Par.?

tatrodakam upaspṛśya saṃdhyām anvāsya paścimām / (2.1) Par.?

āśramaṃ prāviśad rāmaḥ kumbhayoner mahātmanaḥ // (2.2) Par.?

asyāgastyo bahuguṇaṃ phalamūlaṃ tathauṣadhīḥ / (3.1) Par.?

śākāni ca pavitrāṇi bhojanārtham akalpayat // (3.2) Par.?

sa bhuktavānnaraśreṣṭhastad annam amṛtopamam / (4.1) Par.?

prītaśca parituṣṭaśca tāṃ rātriṃ samupāvasat // (4.2) Par.?

prabhāte kālyam utthāya kṛtvāhnikam ariṃdamaḥ / (5.1) Par.?

ṛṣiṃ samabhicakrāma gamanāya raghūttamaḥ // (5.2) Par.?

abhivādyābravīd rāmo maharṣiṃ kumbhasaṃbhavam / (6.1) Par.?

āpṛcche tvāṃ gamiṣyāmi mām anujñātum arhasi // (6.2) Par.?

dhanyo 'smyanugṛhīto 'smi darśanena mahātmanaḥ / (7.1) Par.?

draṣṭuṃ caivāgamiṣyāmi pāvanārtham ihātmanaḥ // (7.2) Par.?

tathā vadati kākutsthe vākyam adbhutadarśanam / (8.1) Par.?

uvāca paramaprīto dharmanetrastapodhanaḥ // (8.2) Par.?

atyadbhutam idaṃ vākyaṃ tava rāma śubhākṣaram / (9.1) Par.?

pāvanaḥ sarvalokānāṃ tvam eva raghunandana // (9.2) Par.?

muhūrtam api rāma tvāṃ ye nu paśyanti kecana / (10.1) Par.?

pāvitāḥ svargabhūtāste pūjyante divi daivataiḥ // (10.2) Par.?

ye ca tvāṃ ghoracakṣurbhir īkṣante prāṇino bhuvi / (11.1) Par.?

hatāste yamadaṇḍena sadyo nirayagāminaḥ // (11.2) Par.?

gaccha cāriṣṭam avyagraḥ panthānam akutobhayam / (12.1) Par.?

praśādhi rājyaṃ dharmeṇa gatir hi jagato bhavān // (12.2) Par.?

evam uktastu muninā prāñjaliḥ pragraho nṛpaḥ / (13.1) Par.?

abhyavādayata prājñastam ṛṣiṃ puṇyaśīlinam // (13.2) Par.?

abhivādya muniśreṣṭhaṃ tāṃśca sarvāṃstapodhanān / (14.1) Par.?

adhyārohat tad avyagraḥ puṣpakaṃ hemabhūṣitam // (14.2) Par.?

taṃ prayāntaṃ munigaṇā āśīrvādaiḥ samantataḥ / (15.1) Par.?

apūjayanmahendrābhaṃ sahasrākṣam ivāmarāḥ // (15.2) Par.?

svasthaḥ sa dadṛśe rāmaḥ puṣpake hemabhūṣite / (16.1) Par.?

śaśī meghasamīpastho yathā jaladharāgame // (16.2) Par.?

tato 'rdhadivase prāpte pūjyamānastatastataḥ / (17.1) Par.?

ayodhyāṃ prāpya kākutstho vimānād avarohata // (17.2) Par.?

tato visṛjya ruciraṃ puṣpakaṃ kāmagāminam / (18.1) Par.?

kakṣyāntaravinikṣiptaṃ dvāḥsthaṃ rāmo 'bravīd vacaḥ // (18.2) Par.?

lakṣmaṇaṃ bharataṃ caiva gatvā tau laghuvikramau / (19.1) Par.?

mamāgamanam ākhyāya śabdāpaya ca māṃ ciram // (19.2) Par.?