Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2744

Click on a sentence to show its analysis
Keep the mouse pointer over a lemma to show its meanings.

tasyetyādi // (1) Par.?

vedayatīti vedaḥ // (2) Par.?

vedavidāṃ mata iti vedavidbhiḥ pūjitaḥ // (3) Par.?

atha kasmād āyurvedalakṣaṇo vedaḥ puṇyatamo vedavidāṃ ca pūjita ityāha vakṣyata ityādi // (4) Par.?

yaditi yasmāt evamuktaṃ bhavati yadanye ṛgvedādayaḥ prāyaḥ paralokahitamevārthaṃ vadanti tena puṇyāḥ puṇyatamaścāyamāyurvedo yad yasmānmanuṣyāṇāmubhayorapi lokayor yaddhitam āyurārogyasādhanaṃ dharmasādhanaṃ ca tadvakṣyate tenātiśayena puṇyatamastathā vedavidāṃ ca pūjita iti // (5) Par.?

kecit vakṣyate yaḥ iti paṭhanti tatrāpi hetugarbhamiti vyākhyeyam // (6) Par.?

jīvitapradātṛtvādāyurvedasya puṇyatamatvaṃ boddhavyaṃ yataś caturvargasādhanībhūtajīvitapradam eva sarvottamaṃ bhavati // (7) Par.?

ucyate ca na hi jīvitadānāddhi dānamanyadviśiṣyate iti // (8) Par.?

Duration=0.021059989929199 secs.