Texts

manoguṇamabhidhāya manoviṣayamāha cintyamityādi // (1) Par.?

cintyaṃ kartavyatayā akartavyatayā vā yanmanasā cintyate // (2) Par.?

vicāryam upapattyanupapattibhyāṃ yadvimṛśyate // (3) Par.?

ūhyaṃ ca yat sambhāvanayā ūhyate evametadbhaviṣyati iti // (4) Par.?

dhyeyaṃ bhāvanājñānaviṣayam // (5) Par.?

saṃkalpyaṃ guṇavattayā doṣavattayā vāvadhāraṇāviṣayam // (6) Par.?

yat kiṃcidityanena sukhādyanuktaviṣayāvarodhaḥ // (7) Par.?

manaso jñeyamiti indriyanirapekṣamanogrāhyam // (8) Par.?

ete ca mano'rthāḥ śabdādirūpā eva tena ṣaṣṭhārthakalpanayā na caturviṃśatisaṃkhyātirekaḥ // (9) Par.?

sukhādayas tu śabdādivyatiriktā mano'rthā buddhibhedagrahaṇenaiva grāhyāḥ // (10) Par.?

manoviṣayamabhidhāya manaḥkarmāha indriyetyādi // (11) Par.?

indriyābhigrahaḥ indriyādhiṣṭhānaṃ manasaḥ karma tathā svasya nigraho manasaḥ karma mano hy aniṣṭaviṣayaprasṛtaṃ manasaiva niyamyate manaśca guṇāntarayuktaṃ sadviṣayāntarān niyamayati ityāhureke // (12) Par.?

yaduktam viṣayapravaṇaṃ cittaṃ dhṛtibhraṃśānna śakyate // (13) Par.?

niyantum ahitād arthād dhṛtirhi niyamātmikā iti // (14) Par.?

tena dhṛtyā kāraṇabhūtayā ātmānaṃ niyamayatīti na svātmani kriyāvirodhaḥ // (15) Par.?

manaḥkarmāntaram āha ūho vicāraś ceti // (16) Par.?

atroha ālocanajñānaṃ nirvikalpakam vicāro heyopādeyatayā vikalpanam // (17) Par.?

caturvidhaṃ hi vikalpakāraṇaṃ sāṃkhyā manyante tatra bāhyam indriyarūpam ābhyantaraṃ tu mano'haṃkāro buddhiśceti tritayam // (18) Par.?

tatrendriyāṇyālocayanti nirvikalpena gṛhṇantītyarthaḥ manastu saṃkalpayati heyopādeyatayā kalpayatītyarthaḥ ahaṃkāro 'bhimanyate mamedamahamatrādhikṛta iti manyata ityarthaḥ buddhir adhyavasyati tyajāmyenaṃ doṣavantam upādadāmyenaṃ guṇavantam ityadhyavasāyaṃ karotītyarthaḥ // (19) Par.?

ūhas tu yadyapi bāhyacakṣurādikarma tathāpi tatrāpi mano'dhiṣṭhānam astīti manaḥkarmatayoktaḥ // (20) Par.?

vacanaṃ hi sāntaḥkaraṇā buddhiḥ sarvaṃ viṣayam avagāhate yasmāt // (21) Par.?

tasmāt trividhaṃ karaṇaṃ dvāri dvārāṇi śeṣāṇi iti // (22) Par.?

tataḥ paraṃ buddhiḥ pravartata iti ūhavicārānantaraṃ buddhir adhyavasāyaṃ karotītyarthaḥ // (23) Par.?

ahaṃkāravyāpāraś cābhimananam ihānukto 'pi buddhivyāpāreṇaiva sūcito jñeyaḥ // (24) Par.?

buddhirhi tyajāmyenamupādadāmīti vādhyavasāyaṃ kurvatī ahaṃkārābhimata eva viṣaye bhavati tena buddhivyāpāreṇaivāhaṃkāravyāpāro 'pi gṛhyate // (25) Par.?

buddhau hi sarvakaraṇavyāpārārpaṇaṃ bhavati // (26) Par.?

yaduktam ete pradīpakalpāḥ parasparavilakṣaṇā guṇaviśeṣāḥ / (27) Par.?

kṛtsnaṃ puruṣasyārthaṃ prakāśya buddhau prayacchanti // (27.1) Par.?