Texts

vaiśaṃpāyana uvāca / (1.1) Par.?

iṅgitenaiva dāśārhastam abhiprāyam āditaḥ / (1.2) Par.?

drauṇer buddhvā mahābāhur arjunaṃ pratyabhāṣata // (1.3) Par.?

arjunārjuna yad divyam astraṃ te hṛdi vartate / (2.1) Par.?

droṇopadiṣṭaṃ tasyāyaṃ kālaḥ saṃprati pāṇḍava // (2.2) Par.?

bhrātṝṇām ātmanaścaiva paritrāṇāya bhārata / (3.1) Par.?

visṛjaitat tvam apyājāvastram astranivāraṇam // (3.2) Par.?

keśavenaivam uktastu pāṇḍavaḥ paravīrahā / (4.1) Par.?

avātarad rathāt tūrṇaṃ pragṛhya saśaraṃ dhanuḥ // (4.2) Par.?

pūrvam ācāryaputrāya tato 'nantaram ātmane / (5.1) Par.?

bhrātṛbhyaścaiva sarvebhyaḥ svastītyuktvā paraṃtapaḥ // (5.2) Par.?

devatābhyo namaskṛtya gurubhyaścaiva sarvaśaḥ / (6.1) Par.?

utsasarja śivaṃ dhyāyann astram astreṇa śāmyatām // (6.2) Par.?

tatastad astraṃ sahasā sṛṣṭaṃ gāṇḍīvadhanvanā / (7.1) Par.?

prajajvāla mahārciṣmad yugāntānalasaṃnibham // (7.2) Par.?

tathaiva droṇaputrasya tad astraṃ tigmatejasaḥ / (8.1) Par.?

prajajvāla mahājvālaṃ tejomaṇḍalasaṃvṛtam // (8.2) Par.?

nirghātā bahavaścāsan petur ulkāḥ sahasraśaḥ / (9.1) Par.?

mahad bhayaṃ ca bhūtānāṃ sarveṣāṃ samajāyata // (9.2) Par.?

saśabdam abhavad vyoma jvālāmālākulaṃ bhṛśam / (10.1) Par.?

cacāla ca mahī kṛtsnā saparvatavanadrumā // (10.2) Par.?

te astre tejasā lokāṃstāpayantī vyavasthite / (11.1) Par.?

maharṣī sahitau tatra darśayāmāsatustadā // (11.2) Par.?

nāradaḥ sa ca dharmātmā bharatānāṃ pitāmahaḥ / (12.1) Par.?

ubhau śamayituṃ vīrau bhāradvājadhanaṃjayau // (12.2) Par.?

tau munī sarvadharmajñau sarvabhūtahitaiṣiṇau / (13.1) Par.?

dīptayor astrayor madhye sthitau paramatejasau // (13.2) Par.?

tadantaram anādhṛṣyāvupagamya yaśasvinau / (14.1) Par.?

āstām ṛṣivarau tatra jvalitāviva pāvakau // (14.2) Par.?

prāṇabhṛdbhir anādhṛṣyau devadānavasaṃmatau / (15.1) Par.?

astratejaḥ śamayituṃ lokānāṃ hitakāmyayā // (15.2) Par.?

ṛṣī ūcatuḥ / (16.1) Par.?

nānāśastravidaḥ pūrve ye 'pyatītā mahārathāḥ / (16.2) Par.?

naitad astraṃ manuṣyeṣu taiḥ prayuktaṃ kathaṃcana // (16.3) Par.?