Texts

vaiśaṃpāyana uvāca / (1.1) Par.?

tasmin vākyāntare vaktā devasthāno mahātapāḥ / (1.2) Par.?

abhinītataraṃ vākyam ityuvāca yudhiṣṭhiram // (1.3) Par.?

yad vacaḥ phalgunenoktaṃ na jyāyo 'sti dhanād iti / (2.1) Par.?

atra te vartayiṣyāmi tad ekāgramanāḥ śṛṇu // (2.2) Par.?

ajātaśatro dharmeṇa kṛtsnā te vasudhā jitā / (3.1) Par.?

tāṃ jitvā na vṛthā rājaṃstvaṃ parityaktum arhasi // (3.2) Par.?

catuṣpadī hi niḥśreṇī karmaṇyeṣā pratiṣṭhitā / (4.1) Par.?

tāṃ krameṇa mahābāho yathāvajjaya pārthiva // (4.2) Par.?

tasmāt pārtha mahāyajñair yajasva bahudakṣiṇaiḥ / (5.1) Par.?

svādhyāyayajñā ṛṣayo jñānayajñāstathāpare // (5.2) Par.?

karmaniṣṭhāṃstu budhyethāstaponiṣṭhāṃśca bhārata / (6.1) Par.?

vaikhānasānāṃ rājendra vacanaṃ śrūyate yathā // (6.2) Par.?

īhate dhanahetor yastasyānīhā garīyasī / (7.1) Par.?

bhūyān doṣaḥ pravardheta yastaṃ dhanam apāśrayet // (7.2) Par.?

kṛcchrācca dravyasaṃhāraṃ kurvanti dhanakāraṇāt / (8.1) Par.?

dhanena tṛṣito 'buddhyā bhrūṇahatyāṃ na budhyate // (8.2) Par.?

anarhate yad dadāti na dadāti yad arhate / (9.1) Par.?

anarhārhāparijñānād dānadharmo 'pi duṣkaraḥ // (9.2) Par.?

yajñāya sṛṣṭāni dhanāni dhātrā yaṣṭādiṣṭaḥ puruṣo rakṣitā ca / (10.1) Par.?

tasmāt sarvaṃ yajña evopayojyaṃ dhanaṃ tato 'nantara eva kāmaḥ // (10.2) Par.?

yajñair indro vividhair annavadbhir devān sarvān abhyayānmahaujāḥ / (11.1) Par.?

tenendratvaṃ prāpya vibhrājate 'sau tasmād yajñe sarvam evopayojyam // (11.2) Par.?

mahādevaḥ sarvamedhe mahātmā hutvātmānaṃ devadevo vibhūtaḥ / (12.1) Par.?

viśvāṃllokān vyāpya viṣṭabhya kīrtyā virocate dyutimān kṛttivāsāḥ // (12.2) Par.?

āvikṣitaḥ pārthivo vai maruttaḥ svṛddhyā martyo yo 'jayad devarājam / (13.1) Par.?

yajñe yasya śrīḥ svayaṃ saṃniviṣṭā yasmin bhāṇḍaṃ kāñcanaṃ sarvam āsīt // (13.2) Par.?

hariścandraḥ pārthivendraḥ śrutaste yajñair iṣṭvā puṇyakṛd vītaśokaḥ / (14.1) Par.?

ṛddhyā śakraṃ yo 'jayanmānuṣaḥ saṃs tasmād yajñe sarvam evopayojyam // (14.2) Par.?