Texts

yudhiṣṭhira uvāca / (1.1) Par.?

gatīnām uttamā prāptiḥ kathitā jāpakeṣviha / (1.2) Par.?

ekaivaiṣā gatisteṣām uta yāntyaparām api // (1.3) Par.?

bhīṣma uvāca / (2.1) Par.?

śṛṇuṣvāvahito rājañ jāpakānāṃ gatiṃ vibho / (2.2) Par.?

yathā gacchanti nirayam anekaṃ puruṣarṣabha // (2.3) Par.?

yathoktam etat pūrvaṃ yo nānutiṣṭhati jāpakaḥ / (3.1) Par.?

ekadeśakriyaścātra nirayaṃ sa nigacchati // (3.2) Par.?

avajñānena kurute na tuṣyati na śocati / (4.1) Par.?

īdṛśo jāpako yāti nirayaṃ nātra saṃśayaḥ // (4.2) Par.?

ahaṃkārakṛtaścaiva sarve nirayagāminaḥ / (5.1) Par.?

parāvamānī puruṣo bhavitā nirayopagaḥ // (5.2) Par.?

abhidhyāpūrvakaṃ japyaṃ kurute yaśca mohitaḥ / (6.1) Par.?

yatrābhidhyāṃ sa kurute taṃ vai nirayam ṛcchati // (6.2) Par.?

athaiśvaryapravṛttaḥ sañ jāpakastatra rajyate / (7.1) Par.?

sa eva nirayastasya nāsau tasmāt pramucyate // (7.2) Par.?

rāgeṇa jāpako japyaṃ kurute tatra mohitaḥ / (8.1) Par.?

yatrāsya rāgaḥ patati tatra tatropajāyate // (8.2) Par.?

durbuddhir akṛtaprajñaścale manasi tiṣṭhati / (9.1) Par.?

calām eva gatiṃ yāti nirayaṃ vādhigacchati // (9.2) Par.?

akṛtaprajñako bālo mohaṃ gacchati jāpakaḥ / (10.1) Par.?

sa mohānnirayaṃ yāti tatra gatvānuśocati // (10.2) Par.?

dṛḍhagrāhī karomīti japyaṃ japati jāpakaḥ / (11.1) Par.?

na sampūrṇo na vā yukto nirayaṃ so 'dhigacchati // (11.2) Par.?

yudhiṣṭhira uvāca / (12.1) Par.?

animittaṃ paraṃ yat tad avyaktaṃ brahmaṇi sthitam / (12.2) Par.?

sadbhūto jāpakaḥ kasmāt sa śarīram athāviśet // (12.3) Par.?

bhīṣma uvāca / (13.1) Par.?

duṣprajñānena nirayā bahavaḥ samudāhṛtāḥ / (13.2) Par.?

praśastaṃ jāpakatvaṃ ca doṣāścaite tadātmakāḥ // (13.3) Par.?