Texts

vaiśaṃpāyana uvāca / (1.1) Par.?

tataste prayayur hṛṣṭāḥ prahṛṣṭanaravāhanāḥ / (1.2) Par.?

rathaghoṣeṇa mahatā pūrayanto vasuṃdharām // (1.3) Par.?

saṃstūyamānāḥ stutibhiḥ sūtamāgadhabandibhiḥ / (2.1) Par.?

svena sainyena saṃvītā yathādityāḥ svaraśmibhiḥ // (2.2) Par.?

pāṇḍureṇātapatreṇa dhriyamāṇena mūrdhani / (3.1) Par.?

babhau yudhiṣṭhirastatra paurṇamāsyām ivoḍurāṭ // (3.2) Par.?

jayāśiṣaḥ prahṛṣṭānāṃ narāṇāṃ pathi pāṇḍavaḥ / (4.1) Par.?

pratyagṛhṇād yathānyāyaṃ yathāvat puruṣarṣabhaḥ // (4.2) Par.?

tathaiva sainikā rājan rājānam anuyānti ye / (5.1) Par.?

teṣāṃ halahalāśabdo divaṃ stabdhvā vyatiṣṭhata // (5.2) Par.?

sa sarāṃsi nadīścaiva vanānyupavanāni ca / (6.1) Par.?

atyakrāmanmahārājo giriṃ caivānvapadyata // (6.2) Par.?

tasmin deśe ca rājendra yatra tad dravyam uttamam / (7.1) Par.?

cakre niveśanaṃ rājā pāṇḍavaḥ saha sainikaiḥ / (7.2) Par.?

śive deśe same caiva tadā bharatasattama // (7.3) Par.?

agrato brāhmaṇān kṛtvā tapovidyādamānvitān / (8.1) Par.?

purohitaṃ ca kauravya vedavedāṅgapāragam // (8.2) Par.?

prāṅ niveśāt tu rājānaṃ brāhmaṇāḥ sapurodhasaḥ / (9.1) Par.?

kṛtvā śāntiṃ yathānyāyaṃ sarvataḥ paryavārayan // (9.2) Par.?

kṛtvā ca madhye rājānam amātyāṃśca yathāvidhi / (10.1) Par.?

ṣaṭpathaṃ navasaṃsthānaṃ niveśaṃ cakrire dvijāḥ // (10.2) Par.?

mattānāṃ vāraṇendrāṇāṃ niveśaṃ ca yathāvidhi / (11.1) Par.?

kārayitvā sa rājendro brāhmaṇān idam abravīt // (11.2) Par.?

asmin kārye dvijaśreṣṭhā nakṣatre divase śubhe / (12.1) Par.?

yathā bhavanto manyante kartum arhatha tat tathā // (12.2) Par.?

na naḥ kālātyayo vai syād ihaiva parilambatām / (13.1) Par.?

iti niścitya viprendrāḥ kriyatāṃ yad anantaram // (13.2) Par.?

śrutvaitad vacanaṃ rājño brāhmaṇāḥ sapurodhasaḥ / (14.1) Par.?

idam ūcur vaco hṛṣṭā dharmarājapriyepsavaḥ // (14.2) Par.?

adyaiva nakṣatram ahaśca puṇyaṃ yatāmahe śreṣṭhatamaṃ kriyāsu / (15.1) Par.?

ambhobhir adyeha vasāma rājann upoṣyatāṃ cāpi bhavadbhir adya // (15.2) Par.?

śrutvā tu teṣāṃ dvijasattamānāṃ kṛtopavāsā rajanīṃ narendrāḥ / (16.1) Par.?

ūṣuḥ pratītāḥ kuśasaṃstareṣu yathādhvareṣu jvalitā havyavāhāḥ // (16.2) Par.?

tato niśā sā vyagamanmahātmanāṃ saṃśṛṇvatāṃ viprasamīritā giraḥ / (17.1) Par.?

tataḥ prabhāte vimale dvijarṣabhā vaco 'bruvan dharmasutaṃ narādhipam // (17.2) Par.?