Texts

sūtamāraṇavidhānam āha pradrāvyetyādi // (1) Par.?

śastrapātre tīkṣṇamayapātre aupaśleṣike'dhikaraṇe saptamī // (2) Par.?

gandhapādena gandhasya turyāṃśavibhāgena sūtakaṃ dadyāt tatpātroparibhāge dattaṃ pradrāvya vahninā iti śeṣaḥ // (3) Par.?

punaḥ oṣadhīnāṃ svarasena auṣadhyo granthāntare yathā / (4.1) Par.?

mṛdnīyātkhalu tāvat piṣṭamañjanasadṛśaṃ bhavedyāvat / (4.2) Par.?

tadanu ca niyāmakānāṃ śatāvarīkandukīsudhādīnām / (4.3) Par.?

iti // (4.4) Par.?

śatāvaryādīnāṃ svakīyarasena niṣpiṣya pramardya vaṭikāṃ badarākarāṃ kurvīteti // (5) Par.?

taccāha saṃsthāpyetyādi // (6) Par.?

tāṃ pūrvoktāṃ vaṭikāṃ chāyāśuṣkāṃ lohaphalake śastrapātre saṃsthāpya punaḥ laghulohakaṭorikayā pūrvoktalohaphalakāt laghvī yā lohakaṭorikā tayā sthagayitvā ācchādya dṛḍhaṃ gāḍhaṃ yathā syāttathā lepayet vakṣyamāṇeneti śeṣaḥ // (7) Par.?

taccāha lavaṇetyādi // (8) Par.?

tāṃ pūrvoditāṃ laghulohakaṭorikāṃ sudṛḍhaṃ yathā syāttathā lavaṇārdramṛdā lavaṇena saindhavādinā yutā yā ārdrā jalasiktā mṛt tayā liptāṃ kurvīta // (9) Par.?

kimarthaṃ dhūmrarodhāya yathā yantrādbahirdhūmodgamo na syāt // (10) Par.?

punaḥ sudṛḍhāṅgārān khadirādīnāṃ dattvā bhastrādvayavahninā khalu dvayāgninā dhamyād iti agrimaślokasaṃbandhāt // (11) Par.?

kva sati nirdhūme sati rase dhūmaniḥsaraṇavarjite sati // (12) Par.?

taccāha tāvadityādi // (13) Par.?

sandhiliptā pūrvoktā lohaśarāvikā tāvadavadhau dhmātā kāryā yāvatkālapramāṇaṃ raktābhā raktadyutiyuktā khoṭikā bhavati khoṭasyeva ākṛtiryasyāḥ sā khoṭikā // (14) Par.?

tato'nantaraṃ kaṭorikāṃ svabhāvaśītalāṃ svato himāṃ matvā jñātvā punaraṅgārānapanīya apasārya kaṭorikāmutkhanya raso grāhya iti śeṣaḥ āgamiślokasaṃbandhāt // (15) Par.?

taccāha utkhanyetyādi // (16) Par.?

tato'nantaraṃ laghulohakaṭorikāṃ pūrvavarṇitāṃ utkhanyotkhanya prabalatvenotpāṭya rasaḥ sūto grāhyaḥ // (17) Par.?

utkhanyotkhanyeti kaṭhinataratvādvā atyādareṇa vīpsā // (18) Par.?

kutaḥ kaṭorikāsakāśāt eṣa itthamutpanno mṛtasūtarājo jñeyaḥ // (19) Par.?

sa ca sukhādhmātaḥ san golakavadbhavati vajramūṣāyāṃ iti śeṣaḥ // (20) Par.?

kācaḥ pratītaḥ ṭaṅkaṇaṃ saubhāgyaṃ tataḥ raso 'ti maryādāmatikramya dhmātaḥ san ekaraso bhavati samarasa ityarthaḥ // (21) Par.?

keṣāṃ śikhigalatāṃ śikhini galantīti vigrahaḥ śikhigalatāṃ dhātūnāṃ evaṃ galite rase triguṇaṃ vaṅgaṃ raṅgaṃ dadyāt tato vaṅgadānānantaraṃ krameṇa alpamalpadānena nāgaṃ sīsakaṃ ca dadyāditi // (22) Par.?

taccāha paścādityādi // (23) Par.?

paścāt triguṇasīsakadānānantaraṃ hemnā kanakena saha rasabījaṃ mahābījaṃ yojyaṃ hemnā sārdhaṃ mahābījaṃ kīdṛgbhavati // (24) Par.?