Texts

sūta uvāca / (1.1) Par.?

śitāntaśikhare śakraḥ pārijātavane śubhe / (1.2) Par.?

tasya prācyāṃ kumudādrikūṭo'sau bahuvistaraḥ // (1.3) Par.?

aṣṭau purāṇyudīrṇāni dānavānāṃ dvijottamāḥ / (2.1) Par.?

suvarṇakoṭare puṇye rākṣasānāṃ mahātmanām // (2.2) Par.?

nīlakānāṃ purāṇyāhuraṣṭaṣaṣṭirdvijottamāḥ / (3.1) Par.?

mahānīle'pi śailendre purāṇi daśa pañca ca // (3.2) Par.?

hayānanānāṃ mukhyānāṃ kinnarāṇāṃ ca suvratāḥ / (4.1) Par.?

veṇusaudhe mahāśaile vidyādharapuratrayam // (4.2) Par.?

vaikuṇṭhe garuḍaḥ śrīmān karañje nīlalohitaḥ / (5.1) Par.?

vasudhāre vasūnāṃ tu nivāsaḥ parikīrtitaḥ // (5.2) Par.?

ratnadhāre girivare saptarṣīṇāṃ mahātmanām / (6.1) Par.?

saptasthānāni puṇyāni siddhāvāsayutāni ca // (6.2) Par.?

mahatprajāpateḥ sthānamekaśṛṅge nagottame / (7.1) Par.?

gajaśaile tu durgādyāḥ sumedhe vasavas tathā // (7.2) Par.?

ādityāś ca tathā rudrāḥ kṛtāvāsāstathāśvinau / (8.1) Par.?

aśītirdevapuryastu hemakakṣe nagottame // (8.2) Par.?

sunīle rakṣasāṃ vāsāḥ pañcakoṭiśatāni ca / (9.1) Par.?

pañcakūṭe purāṇyāsan pañcakoṭipramāṇataḥ // (9.2) Par.?

śataśṛṅge puraśataṃ yakṣāṇāmamitaujasām / (10.1) Par.?

tāmrābhe kādraveyāṇāṃ viśākhe tu guhasya vai // (10.2) Par.?

śvetodare muniśreṣṭhāḥ suparṇasya mahātmanaḥ / (11.1) Par.?

piśācake kuberasya harikūṭe harergṛham // (11.2) Par.?

kumude kiṃnarāvāsastvañjane cāraṇālayaḥ / (12.1) Par.?

kṛṣṇe gandharvanilayaḥ pāṇḍure purasaptakam // (12.2) Par.?

vidyādharāṇāṃ viprendrā viśvabhogasamanvitam / (13.1) Par.?

sahasraśikhare śaile daityānāmugrakarmaṇām // (13.2) Par.?

purāṇāṃ tu sahasrāṇi sapta śakrāriṇāṃ dvijāḥ / (14.1) Par.?

mukuṭe pannagāvāsaḥ puṣpaketau munīśvarāḥ // (14.2) Par.?

vaivasvatasya somasya vāyornāgādhipasya ca / (15.1) Par.?

takṣake caiva śailendre catvāryāyatanāni ca // (15.2) Par.?

brahmendraviṣṇurudrāṇāṃ guhasya ca mahātmanaḥ / (16.1) Par.?

kuberasya ca somasya tathānyeṣāṃ mahātmanām // (16.2) Par.?

santyāyatanamukhyāni maryādāparvateṣvapi / (17.1) Par.?

śrīkaṇṭhādriguhāvāsī sarvāvāsaḥ sahomayā // (17.2) Par.?

śrīkaṇṭhasyādhipatyaṃ vai sarvadeveśvarasya ca / (18.1) Par.?

aṇḍasyāsya pravṛttistu śrīkaṇṭhena na saṃśayaḥ // (18.2) Par.?

ananteśādayastvevaṃ pratyekaṃ cāṇḍapālakāḥ / (19.1) Par.?

cakravartina ityuktāstato vidyeśvarāstviha // (19.2) Par.?

śrīkaṇṭhādhiṣṭhitānyatra sthānāni ca samāsataḥ / (20.1) Par.?

maryādāparvateṣvadya śṛṇvantu pravadāmy aham // (20.2) Par.?

śrīkaṇṭhādhiṣṭhitaṃ viśvaṃ carācaramidaṃ jagat / (21.1) Par.?

kālāgniśivaparyantaṃ kathaṃ vakṣye savistaram // (21.2) Par.?

iti śrīliṅgamahāpurāṇe pūrvabhāge bhuvanavinyāsoddeśasthānavarṇanaṃ nāma pañcāśattamo 'dhyāyaḥ // (22.1) Par.?