Texts

atha rasamukhakaraṇamāha kālakūṭa iti // (1) Par.?

kālakūṭaprabhṛtikaṃ viṣabhedaṃ tatparīkṣakasakāśād avagantavyam // (2) Par.?

kiṃcil lakṣaṇamapi likhyate yathā / (3.1) Par.?

ghanaṃ rūkṣaṃ ca kaṭhinaṃ bhinnāñjanasamaprabham / (3.2) Par.?

kandākāraṃ samākhyātaṃ kālakūṭaṃ mahāviṣam // (3.3) Par.?

vatsanābhaṃ pāṇḍuraṃ ca kiṃcid rūkṣaṃ ghanaṃ tathā / (4.1) Par.?

ghanaṃ guru ca nibiḍaṃ śṛṅgākāraṃ ca śṛṅgikam // (4.2) Par.?

pradīpanaṃ śikhiśikhākāraṃ ca gurucikkaṇam / (5.1) Par.?

cakrākāraṃ bhavedvakraṃ nīlaṃ hālāhalaṃ matam // (5.2) Par.?

brahmaputraḥ pāṇḍuraḥ syāt haridrābhaṃ haridrakam / (6.1) Par.?

citramutpalakandābhaṃ saktukaṃ saktuvad bhavet // (6.2) Par.?

saurāṣṭrikaṃ śaṅkhavarṇaṃ vijñeyaṃ viṣalakṣaṇam / (7.1) Par.?

iti // (7.2) Par.?

eteṣāṃ madhye ekadvitrisakalāni yathālābhaṃ saṃgṛhya rasasya ṣoḍaśāṃśena kṛtvā mardanīyāni // (8) Par.?

ṣoḍaśāṃśatātra ekasyaivetyarthaḥ // (9) Par.?

upaviṣeṣu lāṅgalīkakaravīrakam ahiphenam iti // (10) Par.?

ahiphenaṃ viṣamatsyasamudbhavamiti jñeyam // (11) Par.?

tathāhi / (12.1) Par.?

samudre caiva jāyante viṣamatsyāścaturvidhāḥ / (12.2) Par.?

tebhyaḥ phenaṃ samutpannam ahiphenaṃ caturvidham // (12.3) Par.?

kecidvadanti sarpāṇāṃ phenaṃ syādahiphenakam / (13.1) Par.?

yathā / (13.2) Par.?

dhāraṇaṃ śvetavarṇaṃ ca raktavarṇaṃ ca jārakam / (13.3) Par.?

sāraṇaṃ pītavarṇaṃ ca kṛṣṇavarṇaṃ ca māraṇam // (13.4) Par.?

viṣavaddhyuttamaṃ phenaṃ yujyate rasakarmaṇi / (14.1) Par.?

iti // (14.2) Par.?

kecit tu khākhasajaṃ kṣīraviśeṣamiti manyante tadabhāvāt // (15) Par.?

evaṃ sarvatra śeṣaṃ sugamam // (16) Par.?

mānamapyeteṣāṃ pūrvavat // (17) Par.?