Texts

tṛtīye varṣe cūḍākarma // (1.1) Par.?

āpūryamāṇapakṣe puṇye nakṣatre 'gnim upasamādhāya vyāhṛtiparyantaṃ kṛtvā juhotīmaṃ me varuṇa / (2.1) Par.?

tattvā yāmi / (2.2) Par.?

tvaṃ no agne / (2.3) Par.?

sa tvaṃ no agne / (2.4) Par.?

tvamagne ayāsi / (2.5) Par.?

prajāpate / (2.6) Par.?

yadasya karmaṇo 'tyarīricam / (2.7) Par.?

iti ca atraike jayābhyātānānrāṣṭrabhṛta ityupajuhvati yathā purastāt / (2.8) Par.?

brāhmaṇānannena pariviṣya puṇyāhaṃ svastyayanamṛddhimiti vācayitvāpareṇāgniṃ prāṅmukhaḥ kumāra upaviśati // (2.9) Par.?

uttarato mātā brahmacārī vānaḍuhaṃ śakṛtpiṇḍaṃ dhārayati // (3.1) Par.?

tenāsya keśānpratigṛhṇāti // (4.1) Par.?

athoṣṇaśītā āpaḥ saṃsṛjati // (5.1) Par.?

śītāsūṣṇā ānīya / (6.1) Par.?

āpa undantu jīvasa iti dakṣiṇaṃ godānamunatti // (6.2) Par.?

oṣadhe trāyasvainam / (7.1) Par.?

ityūrdhvāgrāmoṣadhimantardadhāti // (7.2) Par.?

svadhite mainaṃ hiṃsīḥ / (8.1) Par.?

iti kṣureṇābhinidadhāti // (8.2) Par.?

devaśrūr etāni pravapa iti pravapati // (9.1) Par.?

evamitarānpradakṣiṇam // (10) Par.?

yenāvapatsavitā kṣureṇa somasya rājño varuṇasya vidvān / (11.1) Par.?

tena brahmāṇo vapatedamasya ūrjemaṃ rayyā varcasā saṃsṛjātha / (11.2) Par.?

iti paścāt / (11.3) Par.?

yena pūṣā bṛhaspateragnerindrasya cāyuṣe 'vapat / (11.4) Par.?

tena te 'haṃ vapāmyasāv ityuttarataḥ / (11.5) Par.?

yathā jyoksumanā asat / (11.6) Par.?

jyokca sūryaṃ dṛśa iti purastāt // (11.7) Par.?

uptvā yathocitaṃ cūḍāḥ kārayati yatharṣi vā // (12.1) Par.?

saṃyamya keśān / (13.1) Par.?

yatra pūṣā bṛhaspatiḥ savitā somo agniḥ / (13.2) Par.?

tebhyo nidhānaṃ bahudhā vyaicchannantarā dyāvāpṛthavī apaḥ suvaḥ / (13.3) Par.?

iti goṣṭha udumbare darbhastambe vā nikhanati yo 'sya rātirbhavati // (13.4) Par.?

yathāśraddhaṃ brāhmaṇāya dadāti // (14.1) Par.?

sarpiṣmantamodanaṃ nāpitāya // (15.1) Par.?

evaṃ vihitaṃ ṣoḍaśe varṣe godānakarma // (16.1) Par.?

saśikhaṃ vāpayate // (17.1) Par.?

śikhām atrāvaśinaṣṭītyekeṣām // (18.1) Par.?

agnigodāno vā bhavati // (19.1) Par.?

gurave gāṃ dadāti // (20.1) Par.?