Texts

kalaharūpaṃ suratam ācakṣate / (1.1) Par.?

vivādātmakatvād vāmaśīlatvācca kāmasya // (1.2) Par.?

tasmāt prahaṇanasthānam aṅgam / (2.1) Par.?

skandhau śiraḥ stanāntaraṃ pṛṣṭhaṃ jaghanaṃ pārśva iti sthānāni // (2.2) Par.?

taccaturvidham apahastakaṃ prasṛtakaṃ muṣṭiḥ samatalakam iti // (3.1) Par.?

tadudbhavaṃ ca śītkṛtam / (4.1) Par.?

tasyātirūpatvāt / (4.2) Par.?

tad anekavidham // (4.3) Par.?

virutāni cāṣṭau // (5.1) Par.?

hiṃkārastanitakūjitaruditasūtkṛtadūtkṛtaphūtkṛtāni // (6.1) Par.?

amvārthāḥ śabdā vāraṇārthā mokṣaṇārthāścālam arthāste te cārthayogāt // (7.1) Par.?

pārāvataparabhṛtahārītaśukamadhukaradātyūhahaṃsakāraṇḍavalāvakavirutāni śītkṛtabhūyiṣṭhāni vikalpaśaḥ prayuñjīta // (8.1) Par.?

utsaṅgopaviṣṭāyāḥ pṛṣṭhe muṣṭinā prahāraḥ // (9.1) Par.?

tatra sāsūyāyā iva stanitaruditakūjitāni pratīghātaśca syāt // (10.1) Par.?

yuktayantrāyāḥ stanāntare apahastakena praharet // (11.1) Par.?

mandopakramaṃ vardhamānarāgam ā parisamāpteḥ // (12.1) Par.?

tatra hiṃkārādīnām aniyamenābhyāsena vikalpena ca tatkālam eva prayogaḥ // (13.1) Par.?

śirasi kiṃcid ākuñcitāṅgulinā kareṇa vivadantyāḥ phūtkṛtya prahaṇanaṃ tat prasṛtakam // (14.1) Par.?

tatrāntarmukhena kūjitaṃ phūtkṛtaṃ ca // (15.1) Par.?

ratānte ca śvasitarudite / (16.1) Par.?

veṇor iva sphuṭataḥ śabdānukaraṇaṃ dūtkṛtam // (16.2) Par.?

apsu badarasyeva nipatataḥ phūtkṛtam // (17.1) Par.?

sarvatra cumbanādiṣvapakrāntāyāḥ saśītkṛtaṃ tenaiva pratyuttaram // (18.1) Par.?

rāgavaśāt prahaṇanābhyāse vāraṇamokṣaṇālam arthānāṃ śabdānām ambārthānāṃ ca satāntaśvasitaruditastanitamiśrīkṛtaprayogā virutānāṃ ca / (19.1) Par.?

rāgāvasānakāle jaghanapārśvayostāḍanam ityatitvarayā ca ā parisamāpteḥ // (19.2) Par.?

tatra lāvakahaṃsavikūjitaṃ tvarayaiva / (20.1) Par.?

iti stananaprahaṇanayogāḥ // (20.2) Par.?

pāruṣyaṃ rabhasatvaṃ ca pauruṣaṃ teja ucyate / (21.1) Par.?

aśaktir ārtirvyāvṛttir abalatvaṃ ca yoṣitaḥ // (21.2) Par.?

rāgāt prayogasātmyācca vyatyayo 'pi kvacid bhavet / (22.1) Par.?

na ciraṃ tasya caivānte prakṛter eva yojanam // (22.2) Par.?

kīlām urasi kartarīṃ śirasi viddhāṃ kapolayoḥ saṃdaṃśikāṃ stanayoḥ pārśvayośceti pūrvaiḥ saha prahaṇanam aṣṭavidham iti dākṣiṇātyānām / (23.1) Par.?

tadyuvatīnām urasi kīlāni ca tatkṛtāni dṛśyante / (23.2) Par.?

deśasātmyam etat // (23.3) Par.?

kaṣṭam anāryavṛttam anādṛtam iti vātsyāyanaḥ // (24.1) Par.?

tathānyad api deśasātmyāt prayuktam anyatra na prayuñjīt // (25.1) Par.?

ātyayikaṃ tu tatrāpi pariharet // (26.1) Par.?

ratiyoge hi kīlayā gaṇikāṃ citrasenāṃ colarājo jaghāna / (27.1) Par.?

kartaryā kuntalaḥ śātakarṇiḥ śātavāhano mahādevīṃ malayavatīm // (27.2) Par.?

naradevaḥ kupāṇir viddhayā duṣprayuktayā naṭīṃ kāṇāṃ cakāra // (28.1) Par.?

bhavanti cātra ślokāḥ / (29.1) Par.?

nāstyatra gaṇanā kācin na ca śāstraparigrahaḥ / (29.2) Par.?

pravṛtte ratisaṃyoge rāga evātra kāraṇam // (29.3) Par.?

svapneṣvapi na dṛśyante te bhāvāste ca vibhramāḥ / (30.1) Par.?

suratavyavahāreṣu ye syustatkṣaṇakalpitāḥ // (30.2) Par.?

yathā hi pañcamīṃ dhārām āsthāya turagaḥ pathi / (31.1) Par.?

sthāṇum śvabhraṃ darīṃ vāpi vegāndho na samīkṣate // (31.2) Par.?

evaṃ suratasaṃmarde rāgāndhau kāmināvapi / (32.1) Par.?

caṇḍavegau pravartete samīkṣete na cātyayam // (32.2) Par.?

tasmān mṛdutvaṃ caṇḍatvaṃ yuvatyā balam eva ca / (33.1) Par.?

ātmanaśca balaṃ jñātvā tathā yuñjīta śāstravit // (33.2) Par.?

na sarvadā na sarvāsu prayogāḥ sāṃprayogikāḥ / (34.1) Par.?

sthāne deśe ca kāle ca yoga eṣāṃ vidhīyate // (34.2) Par.?