Texts

kṛtaprātarāśasyāparāhṇe 'parājitāyāṃ diśi // (1) Par.?

hutvācāryo 'thainaṃ yāsv eva devatāsu parītto bhavati tāsv evainaṃ pṛcchaty agnāv indra āditye viśveṣu ca deveṣu caritaṃ te brahmacaryam // (2) Par.?

caritaṃ bho 3 iti pratyukte // (3) Par.?

paścād agneḥ purastād ācāryasya prāṅmukhe sthite 'hatena vāsasācāryaḥ pradakṣiṇaṃ mukhaṃ triḥ pariveṣṭya // (4) Par.?

upariṣṭād daśāḥ kṛtvā yathā na saṃbhraśyeta // (5) Par.?

trirātraṃ samidādhānaṃ bhikṣācaraṇam adhaḥśayyāṃ guruśuśrūṣāṃ cākurvan vāgyato 'pramatto 'raṇye devakule 'gnihotre vopavasasveti // (6) Par.?

atra haike tān eva niyamāṃs tiṣṭhato rātryām evopadiśanti // (7) Par.?

ācāryo 'māṃsāśī brahmacārī // (8) Par.?

trirātre nirvṛtte rātryāṃ vā grāmān niṣkrāman naitān īkṣetānadhyāyān // (9) Par.?

piśitāmaṃ caṇḍālaṃ sūtikāṃ rajasvalāṃ tedanīm apahastakān śmaśānaṃ sarvāṇi ca śavarūpāṇi yāny āsye na praviśeyuḥ svasya vāsān nirasan // (10) Par.?

prāgudīcīṃ diśam upaniṣkramya śucau deśe prāṅmukha ācārya upaviśati // (11) Par.?

udita āditye 'nuvācanadharmeṇa vāgyatāyoṣṇīṣiṇe 'nvāha // (12) Par.?

mahānāmnīṣv evaiṣa niyamaḥ // (13) Par.?

athottareṣu prakaraṇeṣu svādhyāyam eva kurvata ācāryasyetaraḥ śṛṇoti // (14) Par.?

uṣṇīṣaṃ bhājanaṃ dakṣiṇāṃ gāṃ dadāti // (15) Par.?

tvaṃ tam ity uccā divīti ca praṇavena vā sarvam // (16) Par.?

atra haike vaiśvadevaṃ caruṃ kurvate sarveṣu prakaraṇeṣu // (17) Par.?

yathāparīttam iti māṇḍūkeyaḥ // (18) Par.?