Texts

Select a text:
Bibliography

Select a chapter:
(no revisions)

Associated topic(s): Administration, Customs and taxes, Economy, Trade

Show parallels Show headlines
Use dependency labeler

Chapter id: 7296

Click on a sentence to show its analysis
Keep the mouse pointer over a lemma to show its meanings.

Director of trade

paṇyādhyakṣaḥ sthalajalajānāṃ nānāvidhānāṃ paṇyānāṃ sthalapathavāripathopayātānāṃ sāraphalgvarghāntaraṃ priyāpriyatāṃ ca vidyāt tathā vikṣepasaṃkṣepakrayavikrayaprayogakālān // (1.1) Par.?

yacca paṇyaṃ pracuraṃ syāt tad ekīkṛtyārgham āropayet // (2.1) Par.?

prāpte 'rghe vārghāntaraṃ kārayet // (3.1) Par.?

svabhūmijānāṃ rājapaṇyānām ekamukhaṃ vyavahāraṃ sthāpayet parabhūmijānām anekamukham // (4.1) Par.?

ubhayaṃ ca prajānām anugraheṇa vikrāpayet // (5.1) Par.?

sthūlam api ca lābhaṃ prajānām aupaghātikaṃ vārayet // (6.1) Par.?

ajasrapaṇyānāṃ kāloparodhaṃ saṃkuladoṣaṃ vā notpādayet // (7.1) Par.?

bahumukhaṃ vā rājapaṇyaṃ vaidehakāḥ kṛtārghaṃ vikrīṇīran // (8.1) Par.?

chedānurūpaṃ ca vaidharaṇaṃ dadyuḥ // (9.1) Par.?

ṣoḍaśabhāgo mānavyājī viṃśatibhāgastulāmānam gaṇyapaṇyānām ekādaśabhāgaḥ // (10.1) Par.?

parabhūmijaṃ paṇyam anugraheṇāvāhayet // (11.1) Par.?

nāvikasārthavāhebhyaśca parihāram āyatikṣamaṃ dadyāt // (12.1) Par.?

anabhiyogaś cārtheṣvāgantūnām anyatra sabhyopakāribhyaḥ // (13.1) Par.?

paṇyādhiṣṭhātāraḥ paṇyamūlyam ekamukhaṃ kāṣṭhadroṇyām ekacchidrāpidhānāyāṃ nidadhyuḥ // (14.1) Par.?

ahnaścāṣṭame bhāge paṇyādhyakṣasyārpayeyuḥ idaṃ vikrītam idaṃ śeṣam iti // (15.1) Par.?

tulāmānabhāṇḍaṃ cārpayeyuḥ // (16.1) Par.?

iti svaviṣaye vyākhyātam // (17.1) Par.?

paraviṣaye tu paṇyapratipaṇyayor arghaṃ mūlyaṃ cāgamayya śulkavartanyātivāhikagulmataradeyabhaktabhāgavyayaśuddham udayaṃ paśyet // (18.1) Par.?

asaty udaye bhāṇḍanirvahaṇena paṇyapratipaṇyānayanena vā lābhaṃ paśyet // (19.1) Par.?

tataḥ sārapādena sthalavyavahāram adhvanā kṣemeṇa prayojayet // (20.1) Par.?

aṭavyantapālapurarāṣṭramukhyaiśca pratisaṃsargaṃ gacched anugrahārtham // (21.1) Par.?

āpadi sāram ātmānaṃ vā mokṣayet // (22.1) Par.?

ātmano vā bhūmiṃ prāptaḥ sarvadeyaviśuddhaṃ vyavahareta // (23.1) Par.?

vāripathe vā yānabhāgakapathyadanapaṇyapratipaṇyārghapramāṇayātrākālabhayapratīkārapaṇyapattanacāritrāṇy upalabheta // (24.1) Par.?

nadīpathe ca vijñāya vyavahāraṃ caritrataḥ / (25.1) Par.?

yato lābhastato gacched alābhaṃ parivarjayet // (25.2) Par.?

Duration=0.044430017471313 secs.