Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5925

Click on a sentence to show its analysis
Keep the mouse pointer over a lemma to show its meanings.

sūkṣmāstanmātrāṇi yat saṃgṛhītaṃ sūkṣmaśarīraṃ mahadādiliṅgaṃ sadā tiṣṭhati saṃsarati ca te sūkṣmāḥ / (1.1) Par.?

tathā mātāpitṛjāḥ sthūlaśarīropacāyakāḥ / (1.2) Par.?

ṛtukāle mātāpitṛsaṃyoge śoṇitaśukramiśrībhāvenodarāntaḥ sūkṣmaśarīrasyopacayaṃ kurvanti / (1.3) Par.?

tat sūkṣmaśarīraṃ punar mātur aśitapītanānāvidharasena nābhīnibandhenāpyāyate / (1.4) Par.?

tathā prārabdhaṃ śarīraṃ sūkṣmair mātāpitṛjaiśca saha mahābhūtaistridhā viśeṣaiḥ pṛṣṭhodarajaṅghākaṭyuraḥśiraḥprabhṛti ṣaṭkauśikaṃ pañcabhautikaṃ rudhiramāṃsasnāyuśukrāsthimajjāsaṃbhṛtam / (1.5) Par.?

ākāśo 'vakāśadānād vāyur vardhanāt tejaḥ pākād āpaḥ saṃgrahāt pṛthivī dhāraṇāt / (1.6) Par.?

samastāvayopetaṃ mātur udarād bahir bhavati / (1.7) Par.?

evam ete trividhā viśeṣāḥ syuḥ / (1.8) Par.?

atrāha / (1.9) Par.?

ke nityāḥ ke vānityāḥ / (1.10) Par.?

sūkṣmāsteṣāṃ niyatāḥ / (1.11) Par.?

sūkṣmās tanmātrasaṃjñakās teṣāṃ madhye niyatā nityāḥ / (1.12) Par.?

tair ārabdhaṃ śarīraṃ karmavaśāt paśumṛgapakṣisarīsṛpasthāvarajātiṣu saṃsarati dharmavaśād indrādilokeṣu / (1.13) Par.?

evam etanniyataṃ sūkṣmaśarīraṃ saṃsarati na yāvajjñānam utpadyate / (1.14) Par.?

utpanne jñāne vidvāñcharīraṃ tyaktvā mokṣaṃ gacchati / (1.15) Par.?

tasmād ete viśeṣāḥ sūkṣmā nityā iti / (1.16) Par.?

mātāpitṛjā nivartante / (1.17) Par.?

tat sūkṣmaśarīraṃ parityajehaiva prāṇatyāgavelāyāṃ mātāpitṛjā nivartante / (1.18) Par.?

maraṇakāle mātāpitṛjaṃ śarīram ihaiva nivṛttya bhūmyādiṣu pralīyate yathātattvam / (1.19) Par.?

sūkṣmaṃ ca kathaṃ saṃsarati tad āha // (1.20) Par.?

Duration=0.080250024795532 secs.