Texts

iyam evark / (1.1) Par.?

agniḥ sāma / (1.2) Par.?

tad etad etasyām ṛcy adhyūḍhaṃ sāma / (1.3) Par.?

tasmād ṛcy adhyūḍhaṃ sāma gīyate / (1.4) Par.?

iyam eva sā / (1.5) Par.?

agnir amaḥ / (1.6) Par.?

tat sāma // (1.7) Par.?

antarikṣam evark / (2.1) Par.?

vāyuḥ sāma / (2.2) Par.?

tad etad etasyām ṛcy adhyūḍhaṃ sāma / (2.3) Par.?

tasmād ṛcyadhyūḍhaṃ sāma gīyate / (2.4) Par.?

antarikṣam eva sā / (2.5) Par.?

vāyur amaḥ / (2.6) Par.?

tat sāma // (2.7) Par.?

dyaur evark / (3.1) Par.?

ādityaḥ sāma / (3.2) Par.?

tad etad etasyām ṛcyadhyūḍhaṃ sāma / (3.3) Par.?

tasmād ṛcyadhyūḍhaṃ sāma gīyate / (3.4) Par.?

dyaur eva sā / (3.5) Par.?

ādityo 'maḥ / (3.6) Par.?

tat sāma // (3.7) Par.?

nakṣatrāny evark / (4.1) Par.?

candramāḥ sāma / (4.2) Par.?

tad etad etasyām ṛcyadhyūḍhaṃ sāma / (4.3) Par.?

tasmād ṛcyadhyūḍhaṃ sāma gīyate / (4.4) Par.?

nakṣatrāṇy eva sā / (4.5) Par.?

candramā amaḥ / (4.6) Par.?

tat sāma // (4.7) Par.?

atha yad etad ādityasya śuklaṃ bhāḥ saivark / (5.1) Par.?

atha yan nīlaṃ paraḥkṛṣṇaṃ tat sāma / (5.2) Par.?

tad etad etasyām ṛcy adhyūḍhaṃ sāma / (5.3) Par.?

tasmād ṛcy adhyūḍhaṃ sāma gīyate // (5.4) Par.?

atha yad evaitad ādityasya śuklaṃ bhāḥ saiva sā / (6.1) Par.?

atha yan nīlaṃ paraḥkṛṣṇaṃ tad amaḥ / (6.2) Par.?

tat sāma / (6.3) Par.?

atha ya eṣo 'ntarāditye hiraṇmayaḥ puruṣo dṛśyate hiraṇyaśmaśrur hiraṇyakeśa ā praṇakhāt sarva eva suvarṇaḥ // (6.4) Par.?

tasya yathā kapyāsaṃ puṇḍarīkam evam akṣiṇī / (7.1) Par.?

tasyod iti nāma / (7.2) Par.?

sa eṣa sarvebhyaḥ pāpmabhya uditaḥ / (7.3) Par.?

udeti ha vai sarvebhyaḥ pāpmabhyo ya evaṃ veda // (7.4) Par.?

tasyark ca sāma ca geṣṇau / (8.1) Par.?

tasmād udgīthaḥ / (8.2) Par.?

tasmāt tv eva udgātā / (8.3) Par.?

etasya hi gātā / (8.4) Par.?

sa eṣa ye cāmuṣmāt parāñco lokās teṣāṃ ceṣṭe devakāmānāṃ ca / (8.5) Par.?

ity adhidaivatam // (8.6) Par.?