Texts

prajāpatir lokān abhyatapat / (1.1) Par.?

teṣāṃ tapyamānānāṃ rasān prāvṛhat / (1.2) Par.?

agniṃ pṛthivyāḥ / (1.3) Par.?

vāyum antarikṣāt / (1.4) Par.?

ādityaṃ divaḥ // (1.5) Par.?

sa etās tisro devatā abhyatapat / (2.1) Par.?

tāsāṃ tapyamānānāṃ rasān prāvṛhat / (2.2) Par.?

agner ṛcaḥ / (2.3) Par.?

vāyor yajūṃṣi / (2.4) Par.?

sāmāny ādityāt // (2.5) Par.?

sa etāṃ trayīṃ vidyām abhyatapat / (3.1) Par.?

tasyās tapyamānāyā rasān prāvṛhat / (3.2) Par.?

bhūr ity ṛgbhyaḥ / (3.3) Par.?

bhuvar iti yajurbhyaḥ / (3.4) Par.?

svar iti sāmabhyaḥ // (3.5) Par.?

tad yady ṛkto riṣyed bhūḥ svāheti gārhapatye juhuyāt / (4.1) Par.?

ṛcām eva tadrasenarcāṃ vīryeṇarcāṃ yajñasya viriṣṭaṃ saṃdadhāti // (4.2) Par.?

atha yadi yajuṣṭo riṣyed bhuvaḥ svāheti dakṣiṇāgnau juhuyāt / (5.1) Par.?

yajuṣām eva tadrasena yajuṣāṃ vīryeṇa yajuṣāṃ yajñasya viriṣṭaṃ saṃdadhāti // (5.2) Par.?

atha yadi sāmato riṣyet svaḥ svāhety āhavanīye juhuyāt / (6.1) Par.?

sāmnām eva tadrasena sāmnāṃ vīryeṇa sāmnāṃ yajñasya viriṣṭaṃ saṃdadhāti // (6.2) Par.?

tad yathā lavaṇena suvarṇaṃ saṃdadhyāt / (7.1) Par.?

suvarṇena rajataṃ rajatena trapu trapuṇā sīsaṃ sīsena lohaṃ lohena dāru dāru carmaṇā // (7.2) Par.?

evam eṣāṃ lokānām āsāṃ devatānām asyās trayyā vidyāyā vīryeṇa yajñasya viriṣṭaṃ saṃdadhāti / (8.1) Par.?

bheṣajakṛto ha vā eṣa yajño yatraivaṃvid brahmā bhavati // (8.2) Par.?

eṣa ha vā udakpravaṇo yajño yatraivaṃvid brahmā bhavati / (9.1) Par.?

evaṃvidaṃ ha vā eṣā brahmāṇam anu gāthā / (9.2) Par.?

yato yata āvartate tat tad gacchati // (9.3) Par.?

mānavaḥ / (10.1) Par.?

brahmaivaika ṛtvik kurūn aśvābhirakṣati / (10.2) Par.?

evaṃviddha vai brahmā yajñaṃ yajamānaṃ sarvāṃś cartvijo 'bhirakṣati / (10.3) Par.?

tasmād evaṃvidam eva brahmāṇaṃ kurvīta nānevaṃvidaṃ nānevaṃvidam // (10.4) Par.?