Texts

avivekitvam aviveki / (1.1) Par.?

yathā dvyekayor dvivacanaikavacana ityatra dvitvaikatvayor iti / (1.2) Par.?

anyathā dvyekeṣviti syād iti / (1.3) Par.?

kutaḥ punar avivekitvādeḥ siddhir iti / (1.4) Par.?

ata āha traiguṇyāt / (1.5) Par.?

yad yat sukhaduḥkhamohātmakaṃ tat tad avivekyādiyogi yathedam anubhūyamānaṃ vyaktam iti sphuṭatvād anvayo noktaḥ / (1.6) Par.?

vyatirekam āha tadviparyayābhāvād avivekyādiviparyaye puruṣe traiguṇyābhāvāt / (1.7) Par.?

athavā vyaktāvyakte pakṣīkṛtyānvayābhāvenāvīta eva hetus traiguṇyād iti vaktavyaḥ / (1.8) Par.?

syād etat / (1.9) Par.?

avyaktasiddhau satyāṃ tasyāvivekyādayo dharmāḥ sidhyanti / (1.10) Par.?

avyaktam eva tvadyāpi na sidhyati / (1.11) Par.?

tat katham avivekyādeḥ siddhir iti / (1.12) Par.?

ata āha kāraṇaguṇātmakatvāt kāryasyāvyaktam api siddham / (1.13) Par.?

ayam abhisaṃdhiḥ / (1.14) Par.?

kāryaṃ hi kāraṇaguṇātmakaṃ dṛṣṭaṃ yathā tantvādiguṇātmakaṃ paṭādi / (1.15) Par.?

tathā mahadādilakṣaṇenāpi kāryeṇa sukhaduḥkhamoharūpeṇa svakāraṇagatasukhaduḥkhamohātmanā bhavitavyam / (1.16) Par.?

tathā ca tatkāraṇaṃ sukhaduḥkhamohātmakaṃ pradhānam avyaktaṃ siddhaṃ bhavati / (1.17) Par.?

syād etat / (1.18) Par.?

vyaktād vyaktam utpadyata iti kaṇabhakṣākṣacaraṇatanayāḥ / (1.19) Par.?

paramāṇavo hi vyaktāḥ / (1.20) Par.?

tair dvyaṇukādikrameṇa pṛthivyādilakṣaṇaṃ kāryaṃ vyaktam ārabhyate pṛthivyādiṣu ca kāraṇaguṇaprakrameṇa rūpādyutpattiḥ / (1.21) Par.?

tasmād vyaktād vyaktasya tadguṇasya cotpatteḥ kṛtam avyaktenādṛṣṭacareṇeti / (1.22) Par.?

ata āha // (1.23) Par.?