Texts

Help

Select a text:
Bibliography

Select a chapter:
(no revisions)

Associated topic(s): Hospitality, atithi, guests, ātithya, Sacrifice, yajña, eating, food, anna

Show parallels Show headlines
Use dependency labeler

Chapter id: 8162

Click on a sentence to show its analysis
Keep the mouse pointer over a lemma to show its meanings.

ṛtāv upeyāt // (1.1) Par.?

sarvatra vā pratiṣiddhavarjam // (2.1) Par.?

devapitṛmanuṣyabhūtarṣipūjakaḥ // (3.1) Par.?

nityasvādhyāyaḥ // (4.1) Par.?

pitṛbhyaś codakadānaṃ yathotsāham anyat // (5.1) Par.?

bhāryādir agnir dāyādir vā // (6.1) Par.?

tasmin gṛhyāṇi karmāṇi // (7.1) Par.?

devapitṛmanuṣyayajñāḥ svādhyāyaś ca balikarma // (8.1) Par.?

agnāvagnir dhanvantarir viśve devāḥ prajāpatiḥ sviṣṭakṛd iti homaḥ // (9.1) Par.?

digdevatābhyaś ca yathāsvam // (10.1) Par.?

dvārṣu mahadbhyaḥ // (11.1) Par.?

gṛhadevatābhyaḥ praviśya // (12.1) Par.?

brahmaṇe madhye // (13.1) Par.?

ākāśāyetyantarikṣe balir utkṣepyaḥ // (14.1) Par.?

naktaṃcarebhyaś ca sāyam // (15.1) Par.?

svastivācya bhikṣādānam appūrvam // (16.1) Par.?

dadātiṣu caivaṃ dharmyeṣu // (17.1) Par.?

samadviguṇasāhasrānantyāni phalānyabrāhmaṇabrāhmaṇaśrotriyavedapāragebhyaḥ // (18.1) Par.?

bhikṣamāṇeṣu kṛtānnam itareṣu // (19.1) Par.?

pratiśrutyāpyadharmasaṃyuktāya na dadyāt // (20.1) Par.?

kruddhahṛṣṭabhītārtalubdhabālasthaviramūḍhamattonmattavākyāny anṛtāny apātakāni // (21.1) Par.?

bhojayet pūrvamatithikumāravyādhitagarbhiṇīsvavāsinīsthavirāñ jaghanyāṃś // (22.1) Par.?

ācāryapitṛsakhīnāṃ ca nivedya pacanakriyā // (23.1) Par.?

ṛtvigācāryaśvaśurapitṛvyamātulānām upasthāne madhuparkaḥ // (24.1) Par.?

saṃvatsare punaḥ // (25.1) Par.?

yajñavivāhayor arvāk // (26.1) Par.?

rājñaś ca śrotriyasya // (27.1) Par.?

aśrotriyasyāsanodake // (28.1) Par.?

śrotriyasya tu pādyam arghyam annaviśeṣāṃś ca prakārayet // (29.1) Par.?

nityaṃ vā saṃskāraviśiṣṭam // (30.1) Par.?

madhyato 'nnadānam avaidye sādhuvṛtte // (31.1) Par.?

viparīteṣu tṛṇodakabhūmisvāgatam antataḥ pūjānatyāśaś ca // (32.1) Par.?

śayyāsanāvasathānuvrajyopāsanāni sadṛkśreyasoḥ samānāni // (33.1) Par.?

alpaśo 'pi hīne // (34.1) Par.?

asamānagrāmo 'tithiraikarātriko 'dhivṛkṣasūryopasthāyī // (35.1) Par.?

kuśalānāmayārogyāṇām anupraśnaḥ // (36.1) Par.?

antyaṃ śūdrasya // (37.1) Par.?

brāhmaṇasyānatithir abrāhmaṇaḥ // (38.1) Par.?

yajñe saṃvṛtaś cet // (39.1) Par.?

bhojanaṃ tu kṣatriyasyordhvaṃ brāhmaṇebhyaḥ // (40.1) Par.?

anyān bhṛtyaiḥ sahānṛśaṃsyārtham ānṛśaṃsyārtham // (41.1) Par.?

Duration=0.093483924865723 secs.