Texts

sūta uvāca / (1.1) Par.?

garuḍoktaṃ kaśyapāya vakṣye mṛtyuñjayārcanam / (1.2) Par.?

uddhārapūrvakaṃ puṇyaṃ sarvadevamayaṃ matam // (1.3) Par.?

oṅkāraṃ pūrvamuddhṛtya juṃkāraṃ tadanantaram / (2.1) Par.?

savisargaṃ tṛtīyaṃ syān mṛtyudāridryamardanam // (2.2) Par.?

īśaviṣṇvarkadevyādikavacaṃ sarvasādhakam / (3.1) Par.?

amṛteśaṃ mahāmantrantryakṣaraṃ pūjanaṃ samam / (3.2) Par.?

japanānmṛtyuhīnāḥ syuḥ sarvapāpavivarjitāḥ // (3.3) Par.?

śatajapyād vedaphalaṃ yajñatīrthaphalaṃ labhet / (4.1) Par.?

aṣṭottaraśatājjāpyāt trisandhyaṃ mṛtyuśatrujita // (4.2) Par.?

dhyāyecca sitapadmasthaṃ varadaṃ cābhayaṃkare / (5.1) Par.?

dvābhyāṃ cāmṛtakumbhaṃ tu cintayedamṛteśvaram // (5.2) Par.?

tasyaivāṅgagatāṃ devīmamṛtāmṛtabhāṣiṇīm / (6.1) Par.?

kalaśaṃ dakṣiṇe haste vāmahaste saroruham // (6.2) Par.?

japedaṣṭasahasraṃ vai trisandhyaṃ māsamekataḥ / (7.1) Par.?

jarāmṛtyumahāvyādhiśatrucchivaśāntidam // (7.2) Par.?

āhvānaṃ sthāpanaṃ rodhaṃ sannidhānaṃ niveśanam / (8.1) Par.?

pādyam ācamanaṃ snānamarghyaṃ sraganulepanam // (8.2) Par.?

dīpāṃbaraṃ bhūṣaṇaṃ ca naivedyaṃ pānavījanam / (9.1) Par.?

mātrāmudrājapadhyānaṃ dakṣiṇā cāhutiḥ stutiḥ // (9.2) Par.?

vādyaṃ gatiṃ ca nṛtyaṃ ca nyāsayogaṃ pradakṣiṇam / (10.1) Par.?

praṇatirmantraśayyā ca vandanaṃ ca visarjanam // (10.2) Par.?

ṣaḍaṅgādiprakāreṇa pūjanaṃ tu kramoditam / (11.1) Par.?

parameśamukhodīritaṃ yo jānāti sa pūjakaḥ // (11.2) Par.?

arghyapātrārcanaṃ cādāvastreṇaiva tu tāḍanam / (12.1) Par.?

śodhanaṃ kavacenaiva amṛtīkaraṇaṃ tataḥ // (12.2) Par.?

pūjā cādhāraśaktyādeḥ prāṇāyāmaṃ tathāsane / (13.1) Par.?

pīṭhaśuddhiṃ tataḥ kuryācchoṣaṇādyaistataḥ smaret // (13.2) Par.?

ātmānaṃ devarūpaṃ ca karāṅganyāsakaṃ caret / (14.1) Par.?

ātmānaṃ pūjayet paścāj jyotīrūpaṃ hṛdabjataḥ // (14.2) Par.?

mūrtau vā sthaṇḍile vāpi kṣipetpuṣpaṃ tu bhāsvaram / (15.1) Par.?

āhvānadvārapūjārthaṃ pūjā cādhāraśaktitaḥ // (15.2) Par.?

sānnidhyakaraṇaṃ deve parivārasya pūjanam / (16.1) Par.?

aṅgaṣaṭkasya pūjā vai kartavyā ca vipaścitaiḥ // (16.2) Par.?

dharmādayaśca śakrādyāḥ sāyudhāḥ parivārakāḥ / (17.1) Par.?

yugavedamuhūrtāśca pūjeyaṃ bhuktimuktikṛt // (17.2) Par.?

mātṛkāśca gaṇāṃścādau nandigaṅge ca pūjayet / (18.1) Par.?

mahākālaṃ ca yamanāṃ dehalyāṃ pūjayetpurā // (18.2) Par.?

oṃ amṛteśvara oṃ bhairavāya namaḥ / (19.1) Par.?

evaṃ oṃ juṃ haṃsaḥ sūryāya namaḥ // (19.2) Par.?

evaṃ śivāya kṛṣṇāya brahmaṇe ca gaṇāya ca / (20.1) Par.?

caṇḍikāyai sarasvatyai mahālakṣmādi pūjayet // (20.2) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe 'mṛteśamṛtyuñjayapūjanaṃ nāmāṣṭādaśo 'dhyāyaḥ // (21.1) Par.?