Texts

Help

Select a text:
Bibliography

Select a chapter:
(no revisions)

Associated topic(s): mahāvrata

Show parallels Show headlines
Use dependency labeler

Chapter id: 12974

Click on a sentence to show its analysis
Keep the mouse pointer over a lemma to show its meanings.

ilāndam agniṣṭomasāma kāryam // (1) Par.?

etad vai sākṣād annaṃ yad ilāndam irānnaṃ etad irāyām evānnādye 'ntataḥ pratitiṣṭhanti // (2) Par.?

samudro vā etac chandaḥ salilaṃ lomaśaṃ samudra iva khalu vai sa bhavati salila iva lomaśa iva yo bhavati // (3) Par.?

tasmād etāsu kāryaṃ samṛddhyai // (4) Par.?

vratam iti nidhanaṃ bhavati mahāvratasyaiva tad rūpaṃ kriyate svar iti bhavati svargasya lokasya samaṣṭyai śakuna iti bhavati śakuna iva vai yajamāno vayo bhūtvā svargaṃ lokam eti // (5) Par.?

yajñāyajñīyam agniṣṭomasāma kāryam // (6) Par.?

yad vā anyā vāṅ nātivadet tad agniṣṭomasāma kāryaṃ na vai vāg vācam ativadati vāg yajñāyajñīyaṃ vācy evāntataḥ pratitiṣṭhanti // (7) Par.?

vāravantīyam agniṣṭomasāma kāryam // (8) Par.?

agnir vā idaṃ vaiśvānaro dahannait tasmād devā abibhayus taṃ varaṇaśākhayāvārayanta yad avārayanta tasmād vāravantīyam // (9) Par.?

tasmād varaṇo bhiṣajya etena hi devā ātmānam atrāyanta // (10) Par.?

tasmād brāhmaṇo vāraṇena na pibed vaiśvānaraṃ necchamayā iti // (11) Par.?

paśavo vai vāravantīyaṃ śāntiḥ paśavaḥ śāntād eva tat saṃvvatsarād uttiṣṭhanti // (12) Par.?

Duration=0.020694017410278 secs.