Texts

Select a text:
Bibliography

Select a chapter:
(no revisions)

Associated topic(s): twelve-day Soma rite, dvādaśāha

Show parallels Show headlines
Use dependency labeler

Chapter id: 13165

Click on a sentence to show its analysis
Keep the mouse pointer over a lemma to show its meanings.

agninā pṛthivyauṣadhibhis tenāyaṃ lokas trivṛd vāyunāntarikṣeṇa vayobhis tenaiṣa lokas trivṛd yo 'yam antar ādityena divā nakṣatrais tenāsau lokas trivṛd etad eva trivṛta āyatanam eṣāsya bandhutā // (1) Par.?

āyatanavān bandhumān bhavati ya evaṃ veda // (2) Par.?

tam u pratiṣṭhetyāhus trivṛddhy evaiṣu lokeṣu pratiṣṭhitaḥ // (3) Par.?

ardhamāsa eva pañcadaśasyāyatanam eṣāsya bandhutā // (4) Par.?

āyatanavān bandhumān bhavati ya evaṃ veda // (5) Par.?

taṃ caujo balam ity āhur ardhamāsaśo hi prajāḥ paśava ojo balaṃ puṣyanti // (6) Par.?

saṃvatsara eva saptadaśasyāyatanaṃ dvādaśa māsāḥ pañcartava etad eva saptadaśasyāyatanam eṣāsya bandhutā // (7) Par.?

āyatanavān bandhumān bhavati ya evaṃ veda // (8) Par.?

tam u prajāpatir ity āhuḥ saṃvatsaraṃ hi prajāḥ paśavo 'nuprajāyante // (9) Par.?

āditya evaikaviṃśasyāyatanaṃ dvādaśa māsāḥ pañcartavas traya ime lokā asāv āditya ekaviṃśa etad evaikaviṃśasyāyatanam eṣāsya bandhutā // (10) Par.?

āyatanavān bandhumān bhavati ya evaṃ veda // (11) Par.?

tam u devatalpa ity āhuḥ pra devatalpam āpnoti ya evaṃ veda // (12) Par.?

trivṛd eva triṇavasyāyatanam eṣāsya bandhutā // (13) Par.?

āyatanavān bandhumān bhavati ya evaṃ veda // (14) Par.?

tam u puṣṭir ity āhus trivṛddhy evaiṣa puṣṭaḥ // (15) Par.?

devatā eva trayastriṃśasyāyatanaṃ trayastriṃśad devatāḥ prajāpatiś catustriṃśa etad eva trayastriṃśasyāyatanam eṣāsya bandhutā // (16) Par.?

āyatanavān bandhumān bhavati ya evaṃ veda // (17) Par.?

tam u nāka ity āhur na hi prajāpatiḥ kasmaicanākam // (18) Par.?

chandāṃsy eva chandomānām āyatanam eṣaiṣāṃ bandhutā // (19) Par.?

āyatanavān bandhumān bhavati ya evaṃ veda // (20) Par.?

tān u puṣṭir ity āhuḥ paśavo hi chandomāḥ // (21) Par.?

Duration=0.039544820785522 secs.