UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Agni
Show parallels
Show headlines
Use dependency labeler
Chapter id: 10059
- Click on a sentence to show its analysis
- Keep the mouse pointer over a lemma to show its meanings.
nū cit sahojā amṛto ni tundate hotā yad dūto abhavad vivasvataḥ / (1.1)
Par.?
vi sādhiṣṭhebhiḥ pathibhī rajo mama ā devatātā haviṣā vivāsati // (1.2)
Par.?
ā svam adma yuvamāno ajaras tṛṣv aviṣyann ataseṣu tiṣṭhati / (2.1)
Par.?
atyo na pṛṣṭham pruṣitasya rocate divo na sānu stanayann acikradat // (2.2)
Par.?
krāṇā rudrebhir vasubhiḥ purohito hotā niṣatto rayiṣāḍ amartyaḥ / (3.1)
Par.?
ratho na vikṣv ṛñjasāna āyuṣu vy ānuṣag vāryā deva ṛṇvati // (3.2)
Par.?
vi vātajūto ataseṣu tiṣṭhate vṛthā juhūbhiḥ sṛṇyā tuviṣvaṇiḥ / (4.1)
Par.?
tṛṣu yad agne vanino vṛṣāyase kṛṣṇaṃ ta ema ruśadūrme ajara // (4.2) Par.?
tapurjambho vana ā vātacodito yūthe na sāhvāṁ ava vāti vaṃsagaḥ / (5.1)
Par.?
abhivrajann akṣitam pājasā raja sthātuś caratham bhayate patatriṇaḥ // (5.2)
Par.?
dadhuṣ ṭvā bhṛgavo mānuṣeṣv ā rayiṃ na cāruṃ suhavaṃ janebhyaḥ / (6.1)
Par.?
hotāram agne atithiṃ vareṇyam mitraṃ na śevaṃ divyāya janmane // (6.2)
Par.?
hotāraṃ sapta juhvo yajiṣṭhaṃ yaṃ vāghato vṛṇate adhvareṣu / (7.1)
Par.?
agniṃ viśveṣām aratiṃ vasūnāṃ saparyāmi prayasā yāmi ratnam // (7.2)
Par.?
acchidrā sūno sahaso no adya stotṛbhyo mitramahaḥ śarma yaccha / (8.1)
Par.?
agne gṛṇantam aṃhasa uruṣyorjo napāt pūrbhir āyasībhiḥ // (8.2)
Par.?
bhavā varūthaṃ gṛṇate vibhāvo bhavā maghavan maghavadbhyaḥ śarma / (9.1)
Par.?
uruṣyāgne aṃhaso gṛṇantam prātar makṣū dhiyāvasur jagamyāt // (9.2)
Par.?
Duration=0.073266983032227 secs.