Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Indra
Show parallels Show headlines
Use dependency labeler
Chapter id: 10607
- Click on a sentence to show its analysis
- Keep the mouse pointer over a lemma to show its meanings.
gāyat sāma nabhanyaṃ yathā ver arcāma tad vāvṛdhānaṃ svarvat / (1.1) Par.?
gāvo dhenavo barhiṣy adabdhā ā yat sadmānaṃ divyaṃ vivāsān // (1.2) Par.?
arcad vṛṣā vṛṣabhiḥ sveduhavyair mṛgo nāśno ati yaj juguryāt / (2.1) Par.?
pra mandayur manāṃ gūrta hotā bharate maryo mithunā yajatraḥ // (2.2) Par.?
nakṣaddhotā pari sadma mitā yan bharad garbham ā śaradaḥ pṛthivyāḥ / (3.1) Par.?
krandad aśvo nayamāno ruvad gaur antar dūto na rodasī carad vāk // (3.2) Par.?
tā karmāṣatarāsmai pra cyautnāni devayanto bharante / (4.1) Par.?
jujoṣad indro dasmavarcā nāsatyeva sugmyo ratheṣṭhāḥ // (4.2) Par.?
tam u ṣṭuhīndraṃ yo ha satvā yaḥ śūro maghavā yo ratheṣṭhāḥ / (5.1) Par.?
pratīcaś cid yodhīyān vṛṣaṇvān vavavruṣaś cit tamaso vihantā // (5.2) Par.?
pra yad itthā mahinā nṛbhyo asty araṃ rodasī kakṣye nāsmai / (6.1) Par.?
saṃ vivya indro vṛjanaṃ na bhūmā bharti svadhāvāṁ opaśam iva dyām // (6.2) Par.?
samatsu tvā śūra satām urāṇam prapathintamam paritaṃsayadhyai / (7.1) Par.?
sajoṣasa indram made kṣoṇīḥ sūriṃ cid ye anumadanti vājaiḥ // (7.2) Par.?
evā hi te śaṃ savanā samudra āpo yat ta āsu madanti devīḥ / (8.1) Par.?
viśvā te anu joṣyā bhūd gauḥ sūrīṃś cid yadi dhiṣā veṣi janān // (8.2) Par.?
asāma yathā suṣakhāya ena svabhiṣṭayo narāṃ na śaṃsaiḥ / (9.1) Par.?
asad yathā na indro vandaneṣṭhās turo na karma nayamāna ukthā // (9.2) Par.?
viṣpardhaso narāṃ na śaṃsair asmākāsad indro vajrahastaḥ / (10.1) Par.?
mitrāyuvo na pūrpatiṃ suśiṣṭau madhyāyuva upa śikṣanti yajñaiḥ // (10.2) Par.?
yajño hi ṣmendraṃ kaścid ṛndhañ juhurāṇaś cin manasā pariyan / (11.1) Par.?
tīrthe nācchā tātṛṣāṇam oko dīrgho na sidhram ā kṛṇoty adhvā // (11.2) Par.?
mo ṣū ṇa indrātra pṛtsu devair asti hi ṣmā te śuṣminn avayāḥ / (12.1) Par.?
mahaś cid yasya mīᄆhuṣo yavyā haviṣmato maruto vandate gīḥ // (12.2) Par.?
eṣa stoma indra tubhyam asme etena gātuṃ harivo vido naḥ / (13.1) Par.?
ā no vavṛtyāḥ suvitāya deva vidyāmeṣaṃ vṛjanaṃ jīradānum // (13.2) Par.?
Duration=0.058212995529175 secs.