UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Agni
Show parallels
Show headlines
Use dependency labeler
Chapter id: 9784
- Click on a sentence to show its analysis
- Keep the mouse pointer over a lemma to show its meanings.
vṛṣā vṛṣṇe duduhe dohasā divaḥ payāṃsi yahvo aditer adābhyaḥ / (1.1)
Par.?
viśvaṃ sa veda varuṇo yathā dhiyā sa yajñiyo yajatu yajñiyāṁ ṛtūn // (1.2)
Par.?
rapad gandharvīr apyā ca yoṣaṇā nadasya nāde pari pātu me manaḥ / (2.1)
Par.?
iṣṭasya madhye aditir ni dhātu no bhrātā no jyeṣṭhaḥ prathamo vi vocati // (2.2)
Par.?
so cin nu bhadrā kṣumatī yaśasvaty uṣā uvāsa manave svarvatī / (3.1)
Par.?
yad īm uśantam uśatām anu kratum agniṃ hotāraṃ vidathāya jījanan // (3.2)
Par.?
adha tyaṃ drapsaṃ vibhvaṃ vicakṣaṇaṃ vir ābharad iṣitaḥ śyeno adhvare / (4.1)
Par.?
yadī viśo vṛṇate dasmam āryā agniṃ hotāram adha dhīr ajāyata // (4.2)
Par.?
sadāsi raṇvo yavaseva puṣyate hotrābhir agne manuṣaḥ svadhvaraḥ / (5.1)
Par.?
viprasya vā yacchaśamāna ukthyaṃ vājaṃ sasavāṁ upayāsi bhūribhiḥ // (5.2)
Par.?
ud īraya pitarā jāra ā bhagam iyakṣati haryato hṛtta iṣyati / (6.1) Par.?
vivakti vahniḥ svapasyate makhas taviṣyate asuro vepate matī // (6.2)
Par.?
yas te agne sumatim marto akṣat sahasaḥ sūno ati sa pra śṛṇve / (7.1)
Par.?
iṣaṃ dadhāno vahamāno aśvair ā sa dyumāṁ amavān bhūṣati dyūn // (7.2)
Par.?
yad agna eṣā samitir bhavāti devī deveṣu yajatā yajatra / (8.1)
Par.?
ratnā ca yad vibhajāsi svadhāvo bhāgaṃ no atra vasumantaṃ vītāt // (8.2)
Par.?
śrudhī no agne sadane sadhasthe yukṣvā ratham amṛtasya dravitnum / (9.1)
Par.?
ā no vaha rodasī devaputre mākir devānām apa bhūr iha syāḥ // (9.2)
Par.?
Duration=0.047476053237915 secs.