Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): against enemies, armies, weapons
Show parallels Show headlines
Use dependency labeler
Chapter id: 11928
- Click on a sentence to show its analysis
- Keep the mouse pointer over a lemma to show its meanings.
uttiṣṭhata saṃnahyadhvam udārāḥ ketubhiḥ saha / (1.1) Par.?
sarpā itarajanā rakṣāṃsy amitrān anudhāvata // (1.2) Par.?
īśāṃ vo veda rājyaṃ triṣandhe aruṇaiḥ ketubhiḥ saha / (2.1) Par.?
ye antarikṣe ye divi pṛthivyāṃ ye ca mānavāḥ / (2.2) Par.?
triṣandhes te cetasi durṇāmāna upāsatām // (2.3) Par.?
ayomukhāḥ sūcīmukhā atho vikaṅkatīmukhāḥ / (3.1) Par.?
kravyādo vātaraṃhasa ā sajantv amitrān vajreṇa triṣandhinā // (3.2) Par.?
antar dhehi jātaveda āditya kuṇapaṃ bahu / (4.1) Par.?
triṣandher iyaṃ senā suhitāstu me vaśe // (4.2) Par.?
ut tiṣṭha tvaṃ devajanārbude senayā saha / (5.1) Par.?
ayaṃ balir va āhutas triṣandher āhutiḥ priyā // (5.2) Par.?
śitipadī saṃdyatu śaravyeyaṃ catuṣpadī / (6.1) Par.?
kṛtye 'mitrebhyo bhava triṣandheḥ saha senayā // (6.2) Par.?
dhūmākṣī saṃpatatu kṛdhukarṇī ca krośatu / (7.1) Par.?
triṣandheḥ senayā jite aruṇāḥ santu ketavaḥ // (7.2) Par.?
avāyantāṃ pakṣiṇo ye vayāṃsy antarikṣe divi ye caranti / (8.1) Par.?
śvāpado makṣikāḥ saṃrabhantām āmādo gṛdhrāḥ kuṇape radantām // (8.2) Par.?
yām indreṇa saṃdhāṃ samadhatthā brahmaṇā ca bṛhaspate / (9.1) Par.?
tayāham indrasaṃdhayā sarvān devān iha huva ito jayata māmutaḥ // (9.2) Par.?
bṛhaspatir āṅgirasa ṛṣayo brahmasaṃśitāḥ / (10.1) Par.?
asurakṣayaṇaṃ vadhaṃ triṣandhiṃ divy āśrayan // (10.2) Par.?
yenāsau gupta āditya ubhāv indraś ca tiṣṭhataḥ / (11.1) Par.?
triṣandhiṃ devā abhajantaujase ca balāya ca // (11.2) Par.?
sarvāṃl lokānt samajayan devā āhutyānayā / (12.1) Par.?
bṛhaspatir āṅgiraso vajraṃ yam asiñcatāsurakṣayaṇaṃ vadham // (12.2) Par.?
bṛhaspatir āṅgiraso vajraṃ yam asiñcatāsurakṣayaṇaṃ vadham / (13.1) Par.?
tenāham amūṃ senāṃ nilimpāmi bṛhaspate 'mitrān hanmy ojasā // (13.2) Par.?
sarve devā atyāyanti ye aśnanti vaṣaṭkṛtam / (14.1) Par.?
imāṃ juṣadhvam āhutim ito jayata māmutaḥ // (14.2) Par.?
sarve devā atyāyantu triṣandher āhutiḥ priyā / (15.1) Par.?
saṃdhāṃ mahatīṃ rakṣata yayāgre asurā jitāḥ // (15.2) Par.?
vāyur amitrāṇām iṣvagrāṇy āñcatu / (16.1) Par.?
indra eṣāṃ bāhūn pratibhanaktu mā śakan pratidhām iṣum / (16.2) Par.?
āditya eṣām astraṃ vināśayatu candramā yutām agatasya panthām // (16.3) Par.?
yadi preyur devapurā brahma varmāṇi cakrire / (17.1) Par.?
tanūpānaṃ paripāṇaṃ kṛṇvānā yad upocire sarvaṃ tad arasaṃ kṛdhi // (17.2) Par.?
kravyādānuvartayan mṛtyunā ca purohitam / (18.1) Par.?
triṣandhe prehi senayā jayāmitrān prapadyasva // (18.2) Par.?
triṣandhe tamasā tvam amitrān parivāraya / (19.1) Par.?
pṛṣadājyapraṇuttānāṃ māmīṣāṃ moci kaścana // (19.2) Par.?
śitipadī saṃpatatv amitrāṇām amūḥ sicaḥ / (20.1) Par.?
muhyantv adyāmūḥ senā amitrāṇāṃ nyarbude // (20.2) Par.?
mūḍhā amitrā nyarbude jahy eṣāṃ varaṃ varam / (21.1) Par.?
anayā jahi senayā // (21.2) Par.?
yaś ca kavacī yaś cākavaco 'mitro yaś cājmani / (22.1) Par.?
jyāpāśaiḥ kavacapāśair ajmanābhihataḥ śayām // (22.2) Par.?
ye varmiṇo ye 'varmāṇo amitrā ye ca varmiṇaḥ / (23.1) Par.?
sarvāṃs tāṁ arbude hatāṁ chvāno 'dantu bhūmyām // (23.2) Par.?
ye rathino ye arathā asādā ye ca sādinaḥ / (24.1) Par.?
sarvān adantu tān hatān gṛdhrāḥ śyenāḥ patatriṇaḥ // (24.2) Par.?
sahasrakuṇapā śetām āmitrī senā samare vadhānām / (25.1) Par.?
vividdhā kakajākṛtā // (25.2) Par.?
marmāvidhaṃ roruvataṃ suparṇair adantu duścitaṃ mṛditaṃ śayānam / (26.1) Par.?
ya imāṃ pratīcīm āhutim amitro no yuyutsati // (26.2) Par.?
yāṃ devā anutiṣṭhanti yasyā nāsti virādhanam / (27.1) Par.?
tayendro hantu vṛtrahā vajreṇa triṣandhinā // (27.2) Par.?
Duration=0.25647497177124 secs.