Texts

āgnimārutaṃ caruṃ nirvaped vṛṣṭikāmaḥ // (1) Par.?

samānyā mṛdaś caruṃ ca kuryuḥ kumbhaṃ ca // (2) Par.?

yasminn evāgnau caruṃ paceyus tasmin kumbhaṃ dhūpayeyuḥ // (3) Par.?

dhūmo vā asyāmūṃ gacchati nārciḥ // (4) Par.?

tasmād etaṃ dhūpayanti na pacanti // (5) Par.?

yadā havīṃṣy āsādayeyur atha dakṣiṇāyāṃ śroṇyāṃ kumbham āsādyodakena pūrayeyuḥ // (6) Par.?

yadi purā saṃsthānād dīryetādya varṣiṣyatīti brūyāt // (7) Par.?

yadi saṃsthite śvo vraṣṭeti brūyāt // (8) Par.?

yadi ciram iva dīryeta nāddhā vidmeti brūyāt // (9) Par.?

agnir vā ito vṛṣṭim īṭṭe maruto 'mutaś cyāvayanti // (10) Par.?

ete vai vṛṣṭyāḥ pradātāraḥ // (11) Par.?

tān eva bhāgadheyenopāsarat // (12) Par.?

te 'smai vṛṣṭiṃ prayacchanti // (13) Par.?

mārutaṃ caruṃ nirvapet payasi praiyaṅgavaṃ grāmakāmo vā paśukāmo vā pṛśnīnāṃ gavāṃ dugdhe // (14) Par.?

pṛśnīnāṃ gavām ājyaṃ syāt // (15) Par.?

tatrāpi gomūtrasyāścotayeyuḥ // (16) Par.?

pṛśnir vai yad aduhat sa priyaṅgur abhavat // (17) Par.?

iyaṃ vai pṛśnir vāg vā // (18) Par.?

tasyā vā etat payo yat priyaṅgavaḥ // (19) Par.?

svenaivainān payasācchaiti // (20) Par.?

priyavatī yājyānuvākye bhavataḥ // (21) Par.?

priyam enaṃ sajātānāṃ karoti // (22) Par.?

dvipadā ca catuṣpadā ca bhavataḥ // (23) Par.?

dvipadaś caivāsmai catuṣpadaś ca paśūn avarunddhe // (24) Par.?

yathā vatsa ūdhar abhyāyacchati vatsaṃ vā gaur evam enaṃ sajātā abhyāyacchanti // (25) Par.?

mārutaṃ trayodaśakapālaṃ nirvaped yasya yamau putrau gāvau vā jāyeyātām // (26) Par.?

nirvīratāṃ vai puruṣo yamo jāta āśāste 'paśutāṃ gauḥ // (27) Par.?

yat trayodaśam // (28) Par.?

prajāpatir vai trayodaśam // (29) Par.?

prajāpatim evāpnoti // (30) Par.?

yad dvādaśaṃ saṃvatsarāt tena // (31) Par.?

yad gāyatry anuvākyā saṃvatsarāt tena // (32) Par.?

yaj jagatī yājyā paśubhyas tena // (33) Par.?

yan mārutīṣṭiḥ paśubhyas tena // (34) Par.?

mārutaṃ saptakapālaṃ nirvaped yatra viḍ rājānaṃ jijyāset // (35) Par.?

agastyasya kayāśubhīyaṃ sāmidhenīś ca syur yājyānuvākyāś ca // (36) Par.?

agastyo vai marudbhya ukṣṇaḥ praukṣat // (37) Par.?

tān indrāyālabhata // (38) Par.?

te vajram ādāyābhyapatan // (39) Par.?

tān vā etenāśamayat // (40) Par.?

tañ śamayaty evaitena // (41) Par.?

saptakapālo bhavati // (42) Par.?

sapta hi marutaḥ // (43) Par.?

viṇ marutaḥ // (44) Par.?

svenaivainān bhāgadheyena śamayati // (45) Par.?