Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16224

Click on a sentence to show its analysis
Keep the mouse pointer over a lemma to show its meanings.

yo vai devarūpaṃ ca manuṣyarūpaṃ ca vyāvartayati vi pāpmanāvartate // (1) Par.?

devā vai pavamānāḥ // (2) Par.?

prajāḥ pṛṣṭhokthāni // (3) Par.?

tad yat pavamānān pāvamānīṣv eva stuvate tasmād devā ekarūpāḥ sarve śuklāḥ // (4) Par.?

atha yasmāt pṛṣṭhokthair nānārūpāsu nānādevatyāsu stuvate tasmād u prajā nānārūpāś śveto rohitaḥ kṛṣṇaḥ // (5) Par.?

etad vai devarūpaṃ ca manuṣyarūpaṃ ca vyāvartayati vi pāpmanāvartate ya evaṃ veda // (6) Par.?

yo vai devānām uddhāraṃ vedod uddhāraṃ harata uddhāryo bhavati // (7) Par.?

bahiṣpavamānaṃ vāva devānām uddhāraḥ // (8) Par.?

tena sakṛddhiṃkṛtena parācā stuvate // (9) Par.?

tasmāt parāṅ uddhāraḥ // (10) Par.?

sa eṣa eva devānāṃ śreṣṭhaḥ // (11) Par.?

tasyoddhāraḥ // (12) Par.?

prajāpater evod uddhāraṃ harata uddhāryo bhavati ya evaṃ veda // (13) Par.?

tam etaṃ yajñasya rasaṃ pravṛhya purānyasmāt prajāpataye prayacchati tasmād bahiṣpavamānena stoṣyantaḥ prahvārā iva prakupitā iva sarpanti // (14) Par.?

evam iva vai śreyasa upacāraḥ // (15) Par.?

tasmād u tasya stotre na vyāharet // (16) Par.?

ko hi śreyasaḥ pariveṣaṇam avavaditum arhati // (17) Par.?

yo vai śreyasaḥ pariveṣaṇam avavadati yayā vai sa tam ārtyā kāmayate tayainaṃ ninayati // (18) Par.?

atha yat tato 'dhvaryuḥ sampraiṣān vadati prajāpataya eva tad yajñasya rasaṃ pradāya tam āpyāyayati // (19) Par.?

tenāsyāpīnena rasavatā stutaṃ bhavati // (20) Par.?

Duration=0.035449028015137 secs.