Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma, penance, prāyaścitta, prāyaścitta

Show parallels Show headlines
Use dependency labeler

Chapter id: 16311

Click on a sentence to show its analysis
Keep the mouse pointer over a lemma to show its meanings.

atiriktam anubudhyante // (1) Par.?

atha brūyān mānuvaṣaṭkāra iti // (2) Par.?

tān sarvahuto hutvābhyutpūryānuvaṣaṭkāre juhuyāt // (3) Par.?

yady u bhūyān evātiricyeta sahaiva kalaśena pratitiṣṭhet // (4) Par.?

yadi rājānam avavarṣed indur indum avāgāt tasya ta indav indriyāvato madhumato vicakṣaṇasyopahūtasyopahūto bhakṣayāmi vāg juṣāṇā somasya tṛpyatv iti // (5) Par.?

tad āhuḥ kṛtsnaṃ vā etad amṛtam annādyam imaṃ lokam āgacchati yad āpaḥ // (6) Par.?

kṛtsnaṃ vāvedam amṛtam annādyam imaṃ lokam āgād ity eva manyamāno bhakṣayet // (7) Par.?

saiva tatra prāyaścittiḥ // (8) Par.?

yadi camasam abhyupākuryus tam uttaravargeṇābhiprāvṛtyāsīta // (9) Par.?

rājā haitad ṛcā mithunībhavati // (10) Par.?

tam adhvaryuḥ pratyākīrya yann ādāyeyāt // (11) Par.?

yady u mārjyaḥ syād ya evainaṃ samprati dhiṣṇyaḥ syāt taṃ prati sadaso viyutya prayacchet // (12) Par.?

taṃ mārjayitvā yadvidhā itare camasās tadvidhaṃ kuryuḥ // (13) Par.?

saiva tatra prāyaścittiḥ // (14) Par.?

Duration=0.079227924346924 secs.