Texts

Select a text:
Bibliography

Select a chapter:
(no revisions)

Associated topic(s): ekāha, odanasava

Show parallels Show headlines
Use dependency labeler

Chapter id: 16524

Click on a sentence to show its analysis
Keep the mouse pointer over a lemma to show its meanings.

athaitat sauvarṇaṃ pātraṃ yācati // (1.1) Par.?

tasmiṃs tiraḥ pavitraṃ madhv ānīya saktūn opya parṇamayībhyāṃ śalākābhyām upamanthatīndrāya tvā tejasvate tejasvantaṃ śrīṇāmīti // (2.1) Par.?

tejo 'sīti brāhmaṇāya prayacchati // (3.1) Par.?

tat te prayacchāmīti brāhmaṇaḥ pratigṛhṇāti // (4.1) Par.?

atha yajamāno mukhaṃ vimṛṣṭe tejasvad astu me mukham tejasvacchiro astu me / (5.1) Par.?

tejasvān viśvataḥ pratyaṅ tejasā saṃ pipṛgdhi meti // (5.2) Par.?

trir ācamya praśaṃsati // (6.1) Par.?

tasmā etac caiva pātraṃ dadāti śatamānaṃ ca hiraṇyam // (7.1) Par.?

athaitad rājataṃ pātraṃ yācati // (8.1) Par.?

tasmiṃs tiraḥ pavitraṃ surām ānīya saktūn opya naiyagrodhībhyāṃ śalākābhyām upamanthatīndrāya tvaujasvata ojasvantaṃ śrīṇāmīti // (9.1) Par.?

ojo 'sīti rājanyāya prayacchati // (10.1) Par.?

tat te prayacchāmīti rājanyaḥ pratigṛhṇāti // (11.1) Par.?

atha yajamāno mukhaṃ vimṛṣṭe ojasvad astu me mukham ojasvacchiro astu me / (12.1) Par.?

ojasvān viśvataḥ pratyaṅ ojasā saṃ pipṛgdhi meti // (12.2) Par.?

trir ācamya praśaṃsati // (13.1) Par.?

tasmā etac caiva pātraṃ dadāti tisṛdhanvaṃ ca // (14.1) Par.?

athaitat kāṃsyaṃ pātraṃ yācati // (15.1) Par.?

tasmiṃs tiraḥ pavitraṃ paya ānīya saktūn opyāśvatthībhyāṃ śalākābhyām upamanthatīndrāya tvā payasvate payasvantaṃ śrīṇāmīti // (16.1) Par.?

payo 'sīti vaiśyāya prayacchati // (17.1) Par.?

tat te prayacchāmīti vaiśyaḥ pratigṛhṇāti // (18.1) Par.?

atha yajamāno mukhaṃ vimṛṣṭe payasvad astu me mukham payasvacchiro astu me / (19.1) Par.?

payasvān viśvataḥ pratyaṅ payasā saṃ pipṛgdhi meti // (19.2) Par.?

trir ācamya praśaṃsati // (20.1) Par.?

tasmā etac caiva pātraṃ dadāty aṣṭrāṃ ca // (21.1) Par.?

athaitan mṛnmayaṃ pātraṃ yācati // (22.1) Par.?

tasmiṃs tiraḥ pavitram apa ānīya saktūn opya phālgunapācībhyāṃ śalākābhyām upamanthatīndrāya tvāyuṣmata āyuṣmantaṃ śrīṇāmīti // (23.1) Par.?

āyur asīti śūdrāya prayacchati // (24.1) Par.?

tat te prayacchāmīti śūdraḥ pratigṛhṇāti // (25.1) Par.?

atha yajamāno mukhaṃ vimṛṣṭe āyuṣmad astu me mukham āyuṣmacchiro astu me / (26.1) Par.?

āyuṣmān viśvataḥ pratyaṅ āyuṣā saṃ pipṛgdhi meti // (26.2) Par.?

trir ācamya praśaṃsati // (27.1) Par.?

tasmā etac caiva pātraṃ dadāti māṣaiś ca pūrṇaṃ kamaṇḍalum // (28.1) Par.?

athaitam odanam abhyutsṛpya prāśnāti // (29.1) Par.?

tasya yan na sahate tad apsu praveśayati // (30.1) Par.?

atha hiraṇyād ghṛtaṃ niṣpibati // (31.1) Par.?

niṣpibantam anumantrayate imam agna āyuṣe varcase kṛdhi priyaṃ reto varuṇa soma rājan / (32.1) Par.?

mātevāsmā adite śarma yaccha viśve devā jaradaṣṭir yathāsad iti // (32.2) Par.?

athaitaṃ pravartam adbhiḥ prakṣālya dakṣiṇe karṇa ābadhnīte āyuṣ ṭe viśvato dadhad iti // (33.1) Par.?

athainam anuparivartayate āyur asi viśvāyur asi sarvāyur asi sarvam āyur asīti // (34.1) Par.?

athainaṃ tribhir darbhapuñjīlaiḥ pavayati yato vāto manojavā yataḥ kṣaranti sindhavaḥ / (35.1) Par.?

tāsāṃ tvā sarvāsāṃ rucā abhiṣiñcāmi varcaseti // (35.2) Par.?

athāsya dakṣiṇam akṣikaṭaṃ nyacati samudra ivāsi gahmanā soma ivāsy adābhyaḥ / (36.1) Par.?

agnir iva viśvataḥ pratyaṅ sūrya iva jyotiṣā vibhūr iti // (36.2) Par.?

Duration=0.094903945922852 secs.