Texts

devā asurāṇāṃ veśatvam upāyan // (1) Par.?

indras tu nāpy upait // (2) Par.?

teṣāṃ vā indriyāṇi vīryāṇy apākrāman // (3) Par.?

agne rathaṃtaram // (4) Par.?

indrasya bṛhat // (5) Par.?

viśveṣāṃ devānāṃ vairūpam // (6) Par.?

savitur vairājam // (7) Par.?

tvaṣṭū revatī // (8) Par.?

marutāṃ śakvarī // (9) Par.?

tāni vā indro 'nvapākrāmat // (10) Par.?

tair ātmānam abhisamayuṅkta // (11) Par.?

tair abhavat // (12) Par.?

yo bhūtikāmaḥ syāt tam etayā yājayet // (13) Par.?

etair evendriyair vīryair ātmānam abhisaṃyuṅkte // (14) Par.?

tair bhavati // (15) Par.?

dvādaśakapālo bhavati // (16) Par.?

vaiśvadevatvāya // (17) Par.?

uttānāni kapālāny upadadhāti // (18) Par.?

tat svic carum akaḥ // (19) Par.?

anirdāhāya // (20) Par.?

abhiśasyamānaṃ yājayet // (21) Par.?

yasya vai devā annam adanty adanti tasya manuṣyā annam // (22) Par.?

sarvā vā etā devatāḥ // (23) Par.?

sarvā vāvāsyaitad devatā annam ajīghasat // (24) Par.?

adanti hāsya manuṣyā annam // (25) Par.?

indrāya rāthaṃtarāyānubrūhīti // (26) Par.?

rathaṃtarasyā ṛcam anūcya bṛhata ṛcā yajet // (27) Par.?

indrāya bārhatāyānubrūhīti // (28) Par.?

bṛhata ṛcam anūcya rathaṃtarasya ṛcā yajet // (29) Par.?

indrāya vairūpāyānubrūhīti // (30) Par.?

vairūpasyā ṛcam anūcya vairājasya ṛcā yajet // (31) Par.?

indrāya vairājāyānubrūhīti // (32) Par.?

vairājasyā ṛcam anūcya vairūpasya ṛcā yajet // (33) Par.?

indrāya raivatāyānubrūhīti // (34) Par.?

revatīm anūcya śakvaryā yajet // (35) Par.?

indrāya śākvarāyānubrūhīti // (36) Par.?

śakvarīm anūcya revatyā yajet // (37) Par.?

etair evainam indriyair etābhir devatābhir vyatiṣajati // (38) Par.?

paryūham avadyati // (39) Par.?

etair evainam indriyair etābhir devatābhiḥ paryūhati // (40) Par.?

paśavo vai bṛhatī // (41) Par.?

agnī rudraḥ // (42) Par.?

yad bṛhatyā vaṣaṭkuryād rudrāyāsya paśūn apidadhyāt // (43) Par.?

atho bṛhatīṃ hy ayātayāmnīṃ paśavo 'nuprajāyante // (44) Par.?

anuvākyāyāś catvāry akṣarāṇi yājyām abhyatyūhati // (45) Par.?

anuṣṭubhaṃ ca sampādayati paṅktiṃ ca // (46) Par.?

vāg vā anuṣṭup // (47) Par.?

prajāpatiḥ paṅktiḥ // (48) Par.?

vāci vā etat prajāpatim apyasrāṭ // (49) Par.?

prajananāya // (50) Par.?

tan mithunam // (51) Par.?

tasmād eva mithunād yajamānaḥ prajayā ca paśubhiś ca prajāyate // (52) Par.?