Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): animal sacrifice, paśubandha, kāmyeṣṭi
Show parallels Show headlines
Use dependency labeler
Chapter id: 12643
- Click on a sentence to show its analysis
- Keep the mouse pointer over a lemma to show its meanings.
asau vā ādityas tejobhir vyārdhyata // (1) Par.?
tata idaṃ sarvaṃ tamo 'bhavat // (2) Par.?
sa prajāpatir etān daśa ṛṣabhān apaśyat // (3) Par.?
atho āhur indro 'paśyad iti // (4) Par.?
tān aindrān ālabhata // (5) Par.?
tair asminn indriyāṇi vīryāṇy āptvādadhāt // (6) Par.?
yal lalāmā ālabhyanta mukhato 'smiṃs tais tejo 'dadhāt // (7) Par.?
yacchitikakuda upariṣṭāt tair yacchvetānūkāśāḥ paścāt tais tato vā asā ādityaḥ sarvatas tejasvy abhavat // (8) Par.?
yas tejaskāmaḥ syāt sa etān aindrān ṛṣabhān ālabheta // (9) Par.?
yal lalāmā ālabhyante mukhato 'smiṃs tais tejo dadhāti // (10) Par.?
yacchitikakuda upariṣṭāt // (11) Par.?
tair yacchvetānūkāśāḥ paścāt taiḥ sarvata evainaṃ tejasvinaṃ karoti // (12) Par.?
amuṣyainam ādityasya mātrāṃ gamayati // (13) Par.?
prājāpatyaṃ daśamaṃ dvādaśe māsā ālabheta // (14) Par.?
dvādaśa māsāḥ saṃvatsaraḥ // (15) Par.?
saṃvatsaram evāptvāvarunddhe // (16) Par.?
navālabhyante // (17) Par.?
nava vai prāṇāḥ // (18) Par.?
prāṇāḥ khalu vai puruṣe vīryam // (19) Par.?
prāṇān asmin vīryaṃ dadhāti // (20) Par.?
daśālabhyante // (21) Par.?
daśākṣarā virāṭ // (22) Par.?
virāḍ etāny evendriyāṇi vīryāṇy ātman dhitveyaṃ virāḍ asyām eva pratitiṣṭhati // (23) Par.?
namo mahimne cakṣuṣe marutāṃ pitas tad ahaṃ gṛṇe te / (24.1) Par.?
huto yāhi pathibhir devayānair oṣadhīṣu pratitiṣṭhā śarīraiḥ // (24.2) Par.?
devānām eṣa upanāha āsīd apāṃ patir vṛṣabha oṣadhīnām / (25.1) Par.?
somasya drapsam avṛṇīta pūṣā bṛhann adrir abhavad yat tad āsīt // (25.2) Par.?
drapsaś caskanda pṛthivīm anu dyām imaṃ ca yonim anu yaś ca pūrvaḥ / (26.1) Par.?
samānaṃ yonim anu saṃcarantaṃ drapsaṃ juhomy anu sapta hotrāḥ // (26.2) Par.?
pitā vatsānāṃ patir aghnyānām utāyaṃ pitā mahatāṃ gargarāṇām / (27.1) Par.?
vatso jarāyu pratidhuk pīyūṣa āmikṣā mastu ghṛtam asya yoniḥ // (27.2) Par.?
tvāṃ gāvo 'vṛṇata rājyāya tvāṃ vardhanti marutaḥ svarkāḥ / (28.1) Par.?
varṣman kṣatrasya kakubbhiḥ śiśriyāṇas tato na ugro vibhajā vasūni // (28.2) Par.?
Duration=0.054821968078613 secs.