Texts

ākūtam agniṃ prayujaṃ svāhā / (1.1) Par.?

mano medhām agniṃ prayujaṃ svāhā / (1.2) Par.?

cittaṃ vijñātam agniṃ prayujaṃ svāhā / (1.3) Par.?

vāco vidhṛtam agniṃ prayujaṃ svāhā / (1.4) Par.?

prajāpataye manave svāhā / (1.5) Par.?

agnaye vaiśvānarāya svāhā / (1.6) Par.?

viśvo devasya netur marto vurīta sakhyam / (1.7) Par.?

viśvo rāya iṣudhyati dyumnaṃ vṛṇīta puṣyase // (1.8) Par.?

svāhā / (2.1) Par.?

mā su bhitthā mā su riṣo dṛṃhasva vīrayasva su / (2.2) Par.?

amba dhṛṣṇu vīrayasvāgniś cedaṃ kariṣyathaḥ // (2.3) Par.?

dṛṃhasva devi pṛthivi svastaye āsurī māyā svadhayā kṛtāsi / (3.1) Par.?

juṣṭaṃ devebhya idam astu havyam ariṣṭā tvam udihi yajñe asmin // (3.2) Par.?

drvannaḥ sarpirāsutiḥ pratno hotā vareṇyaḥ / (4.1) Par.?

sahasas putro adbhutaḥ // (4.2) Par.?

parasyā adhi saṃvato 'varaṃ abhyātara / (5.1) Par.?

yatrāham asmi taṃ ava // (5.2) Par.?

paramasyāḥ parāvato rohidaśva ihāgahi / (6.1) Par.?

purīṣyaḥ purupriyo agne tvaṃ tarā mṛdhaḥ // (6.2) Par.?

yad agne yāni kāni cā te dārūṇi dadhmasi / (7.1) Par.?

sarvaṃ tad astu te ghṛtaṃ taj juṣasva yaviṣṭhya // (7.2) Par.?

yad atty upajihvikā yad vamro atisarpati / (8.1) Par.?

sarvaṃ tad astu te ghṛtaṃ taj juṣasva yaviṣṭhya // (8.2) Par.?

rātrīṃ rātrīm aprayāvaṃ bharanto 'śvāyeva tiṣṭhate ghāsam asmai / (9.1) Par.?

rāyaspoṣeṇa sam iṣā madanto 'gne mā te prativeśā riṣāma // (9.2) Par.?

nābhā pṛthivyāḥ samidhāno agniṃ rāyaspoṣāya bṛhate havāmahe / (10.1) Par.?

iraṃmadaṃ bṛhadukthaṃ yajatraṃ jetāram agniṃ pṛtanāsu sāsahim // (10.2) Par.?

yāḥ senā abhītvarīr āvyādhinīr ugaṇā uta / (11.1) Par.?

ye stenā ye ca taskarās tāṃs te agne apidadhāmy āsye // (11.2) Par.?

ye janeṣu malimlavaḥ stenāsas taskarā vane / (12.1) Par.?

ye kakṣeṣv aghāyavas tāṃs te dadhāmi jambhayoḥ // (12.2) Par.?

daṃṣṭrābhyāṃ malimlūn agne jambhābhyāṃ taskaraṃ uta / (13.1) Par.?

hanubhyāṃ stenān bhagavas tāṃs tvaṃ khāda sukhāditam // (13.2) Par.?

yo asmabhyam arātīyād yaś ca no dveṣate janaḥ / (14.1) Par.?

nindād yo asmān dipsāc ca sarvāṃs tān mṛsmṛsākuru // (14.2) Par.?

ud eṣāṃ bāhūn atiram ud varco atho balam / (15.1) Par.?

kṣiṇomi brahmaṇāmitrān unnayāmi svān aham // (15.2) Par.?

saṃśitaṃ me brahma saṃśitaṃ vīryaṃ balam / (16.1) Par.?

saṃśitaṃ kṣatraṃ me jiṣṇu yasyāham asmi purohitaḥ // (16.2) Par.?

brahma kṣatraṃ sayujā na vyathete brahmāha kṣatraṃ jinvati kṣatriyasya / (17.1) Par.?

kṣatraṃ brahma jinvati brāhmaṇasya yat samīcī kṛṇuto vīryāṇi // (17.2) Par.?