Texts

sīsena tantraṃ manasā manīṣiṇa ūrṇāsūtreṇa kavayo vayanti / (1.1) Par.?

aśvinā yajñaṃ savitā sarasvatīndrasya rūpaṃ varuṇo bhiṣajyan // (1.2) Par.?

tad asya rūpam amṛtaṃ śacībhis tisro dadhur devatāḥ saṃrarāṇāḥ / (2.1) Par.?

lomāni śaṣpair bahudhā na tokmabhis tvag asya māṃsam abhavan na lājāḥ // (2.2) Par.?

tad aśvinā bhiṣajā rudravartanī sarasvatī vayati peśo antaram / (3.1) Par.?

asthi majjānaṃ māsaraṃ kārotareṇa dadhato gavāṃ tvaci // (3.2) Par.?

sarasvatī manasā peśalaṃ vasu nāsatyābhyāṃ vayati darśataṃ vapuḥ / (4.1) Par.?

rasaṃ parisruto na rohitaṃ nagnahur dhīras tasaraṃ na vema // (4.2) Par.?

payasaḥ śukram amṛtaṃ janitraṃ surāyā mūtrājjanayanta retaḥ / (5.1) Par.?

apāmatiṃ durmatiṃ bādhamānā ūvadhyaṃ vātāt sabvaṃ tad ārāt // (5.2) Par.?

indraḥ sutrāmā hṛdayena satyaṃ puroḍāśena savitā jajāna / (6.1) Par.?

yakṛt klomānaṃ varuṇo bhiṣajyan matasne vāyavyair na mināti pittam // (6.2) Par.?

āntrāṇi sthālīr madhu pinvamānā gudāḥ pātrāṇi sudughā na dhenuḥ / (7.1) Par.?

śyenasya pattraṃ na plīhā śacībhir āsandī nābhir udaraṃ na mātā // (7.2) Par.?

kumbho vaniṣṭhur janitā śacībhir yasminn agre yonyāṃ garbho antaḥ / (8.1) Par.?

plāśir vyaktaḥ śatadhārā utso duhe na kumbhī svadhāṃ pitṛbhyaḥ // (8.2) Par.?

mukhaṃ sadasya śirā it satena jihvā pavitram aśvināsant sarasvatī / (9.1) Par.?

capyaṃ na pāyur bhiṣag asya vālo vastir na śepo harasā tarasvī // (9.2) Par.?

aśvibhyāṃ cakṣur amṛtaṃ grahābhyāṃ chāgena tejo haviṣā ghṛtena / (10.1) Par.?

pakṣmāṇi godhūmaiḥ kuvalair utāni peśo na śukram asitaṃ vasāte // (10.2) Par.?

avir na meṣo nasi vīryāya prāṇasya panthā amṛtaṃ grahābhyām / (11.1) Par.?

sarasvaty upavākair vyānaṃ nasyāni barhir badarair jajāna // (11.2) Par.?

indrasya rūpam ṛṣabho balāya karṇābhyāṃ śrotram amṛtaṃ grahābhyām / (12.1) Par.?

yavair na barhir bhruvi kesarāṇi karkandhu jajñe madhu sāraghaṃ mukhe // (12.2) Par.?

ātmann upasthe na vṛkasya loma mukhe śmaśrūṇi na vyāghraloma / (13.1) Par.?

keśā na śīrṣan yaśase śriyai śikhā siṃhasya loma tviṣir indriyāṇi // (13.2) Par.?

aṅgair ātmānaṃ bhiṣajā tad aśvinātmānam aṅgaiḥ samadhāt sarasvatī / (14.1) Par.?

indrasya rūpaṃ śatamānam āyuḥ śukraṃ na jyotir amṛtaṃ dadhānā // (14.2) Par.?

sarasvatī yonyāṃ garbham antar aśvibhyāṃ patnī sukṛtaṃ bibharti / (15.1) Par.?

apāṃ rasena varuṇo na sāmnendraṃ śriyai janayann apsu rājā // (15.2) Par.?

tejaḥ paśūnāṃ havir indriyāvat parisrutā payasā sāraghaṃ madhu / (16.1) Par.?

aśvibhyāṃ dugdhaṃ bhiṣajā sarasvatī sutāsutābhyām amṛtaḥ somā induḥ // (16.2) Par.?