Texts

viśāsti paśum anyaḥ // (1) Par.?

ṛtvijāṃ vaiko 'prakﾱptatvācchāmitre // (2) Par.?

upagādarśanāc ca // (3) Par.?

vikrayī tv anyaḥ śūdrasaṃyogāt // (4) Par.?

aṅgāny avadyaty abhañjan // (5) Par.?

hṛdayaṃ jihvāṃ kroḍaṃ savyasakthipūrvanaḍakaṃ pārśve yakṛdvṛkkau gudamadhyaṃ dakṣiṇā śroṇir iti jauhavāni // (6) Par.?

dakṣiṇasakthipūrvanaḍakaṃ gudatṛtīyāṇiṣṭhaṃ savyā śroṇir ity aupabhṛtāni // (7) Par.?

varṣiṣṭham upayaḍbhyaḥ // (8) Par.?

avadānakāle prabhāgaḥ // (9) Par.?

vaniṣṭhujāghani cāvadyati // (10) Par.?

klomaplīhādhyūdhnīpurītataṃ cecchan // (11) Par.?

udaramedo 'vaśiṣṭaṃ gude prāsyati kṛśaś cet // (12) Par.?

śvabhra ūvadhyam avadhāya tasmin lohitaṃ rakṣasām iti // (13) Par.?

śūle hṛdayaṃ pratṛdya śāmitre śrapayati // (14) Par.?

paśuṃ cokhāyām // (15) Par.?

paśudevatāyai puroḍāśa ekādaśakapālaḥ // (16) Par.?

agnīṣomīyo vā viśeṣopadeśāt // (17) Par.?

atraiva haviṣkṛdāhvānam ijyaikatvāt // (18) Par.?

avadyann āhendrāgnibhyāṃ puroḍāśasyānubrūhīti // (19) Par.?

upabhṛti cāvadyati sviṣṭakṛdvat // (20) Par.?

indrāgnibhyāṃ puroḍāśam iti preṣyati // (21) Par.?

hutvā samānīyāgnaye pradāya // (22) Par.?

saguṇasthāne 'guṇaḥ sarvavikāra ekatvāt // (23) Par.?

yathāmnātaṃ vā vacibhedāt // (24) Par.?

iḍām avadyati // (25) Par.?

akriyānyasya samānārthatvāt // (26) Par.?

na codanābhedāt // (27) Par.?

kālaguṇabhedāc ca // (28) Par.?

paśur dakṣiṇā dhenur varo vā mārjite // (29) Par.?