Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14694
  • Click on a sentence to show its analysis
  • Keep the mouse pointer over a lemma to show its meanings.
bārhaspatyaṃ caruṃ nirvaped ānuṣūkānāṃ vrīhīṇām ānujāvaraḥ // (1) Par.?
bṛhaspatir vai devānām ānujāvaraḥ // (2) Par.?
so 'graṃ paryait // (3) Par.?
bṛhaspatir etasya devatā ya ānujāvaraḥ // (4) Par.?
tam evānvārabhate // (5) Par.?
sa enam agraṃ pariṇayati // (6) Par.?
brahma vai bṛhaspatiḥ // (7) Par.?
brahma brāhmaṇasya pitā // (8) Par.?
pitā putrasyeśe prāco vāpāco vā nottoḥ // (9) Par.?
brahmaivainaṃ pitāgraṃ pariṇayati // (10) Par.?
ānuṣūkā vā ete vrīhayaḥ // (11) Par.?
ya ānujāvaras tān etad agraṃ pariṇayati // (12) Par.?
yaddhaviṣ karoti // (13) Par.?
tān evānvārabhate // (14) Par.?
ta enam agraṃ pariṇayanti // (15) Par.?
punaḥ pravṛddhaṃ barhir bhavati // (16) Par.?
punaḥ prarūḍha idhmaḥ // (17) Par.?
samṛddhyai // (18) Par.?
bārhaspatyaṃ caruṃ nirvapet sajātakāmaḥ // (19) Par.?
tasya gaṇavatī yājyānuvākye syātām // (20) Par.?
bārhaspatyo vai brāhmaṇo devatayā // (21) Par.?
svām eva devatāṃ bhūyiṣṭhenārpayate // (22) Par.?
gaṇavatī yājyānuvākye bhavataḥ // (23) Par.?
sajātair evainaṃ gaṇinaṃ karoti // (24) Par.?
brāhmaṇaspatyaṃ caruṃ nirvapet // (25) Par.?
tasya mārutī yājyānuvākye syātāṃ yaḥ kāmayeta // (26) Par.?
brahmabalaṃ syād iti // (27) Par.?
brahma vai brahmaṇaspatiḥ // (28) Par.?
viṇ marutaḥ // (29) Par.?
brahmaṇy eva viśam anuvināśayati // (30) Par.?
tājag brahmabalaṃ bhavati // (31) Par.?
aryamṇe caruṃ nirvaped yaḥ kāmayeta // (32) Par.?
dānakāmā me prajās syur iti // (33) Par.?
eṣa vā aryamā yo dadāti // (34) Par.?
dānam imāḥ prajā upajīvanti // (35) Par.?
dānakāmā asmai bhavanti // (36) Par.?
aindrābārhaspatyaṃ caruṃ nirvaped rājanyāya bubhūṣate // (37) Par.?
devā vai rājanyāj jāyamānād abibhayuḥ // (38) Par.?
tam anuhāya dāmnāpaumbhan // (39) Par.?
apobdho vā eṣa jāyate yo rājanyaḥ // (40) Par.?
yad vā eṣo 'napobdho jāyeta na kiṃ cana syāt // (41) Par.?
sarvā imāḥ prajā adhiṣādam adyāt // (42) Par.?
aindro rājanyo devatayā // (43) Par.?
brahma bṛhaspatiḥ // (44) Par.?
brahmaṇaivainam apombhanān muñcati // (45) Par.?
so 'napobdho vīryāya prasriyate // (46) Par.?
dvivṛddhiraṇyaṃ dakṣiṇā // (47) Par.?
yad evādo dāma tasya niravattyai // (48) Par.?
prājāpatyaṃ caruṃ nirvapec chatakṛṣṇalaṃ ghṛta āyuṣkāmaḥ // (49) Par.?
devā vai pramayād abibhayuḥ // (50) Par.?
te prajāpatā anāthanta // (51) Par.?
tān etayeṣṭyāyājayat // (52) Par.?
amṛtaṃ vai hiraṇyam // (53) Par.?
amṛtenaivaiṣv amṛtam adadhāt // (54) Par.?
tato vai te 'mṛtā abhavan // (55) Par.?
etayā yajeta yaḥ pramayād bibhīyāt // (56) Par.?
amṛtaṃ vai hiraṇyam // (57) Par.?
amṛtenaivāsminn amṛtaṃ dadhāti // (58) Par.?
śatakṛṣṇalo bhavati // (59) Par.?
śatāyur vai puruṣaś śatavīryaḥ // (60) Par.?
āyur eva vīryam avarunddhe // (61) Par.?
vaiśvadevaḥ kāryaḥ // (62) Par.?
viśvān hi sa tad devān ayājayat // (63) Par.?
prājāpatyaḥ kāryaḥ // (64) Par.?
prajāpatir yoniḥ // (65) Par.?
yonā eva pratitiṣṭhati // (66) Par.?
catvāricatvāri kṛṣṇalāny avadānaṃ bhavati // (67) Par.?
samṛddhyai // (68) Par.?
taṃ brahmaṇe pariharanti // (69) Par.?
brahma vai brahmā // (70) Par.?
brahmaṇaivāsminn ekadhāyur dadhāti // (71) Par.?
etayā yajeta yaḥ kāmayeta // (72) Par.?
vasīyān syām iti // (73) Par.?
eṣa vai manuṣyasya svargo loko yad asmiṃl loke vasīyān bhavati // (74) Par.?
ṛdhnoti vasīyān bhavati ya evaṃ vidvān etayā yajate // (75) Par.?
sauryaṃ caruṃ nirvaped gataśrīḥ // (76) Par.?
tasya harito rukmo 'pidhānas syāt // (77) Par.?
rajato 'dhastāt // (78) Par.?
asau vā ādityo 'nto 'ntaṃ manuṣyaś śriyo gatvā nivartate // (79) Par.?
antād evāntam ālabhate // (80) Par.?
na tataḥ pāpīyān bhavati yādṛk san yajate // (81) Par.?
asau vā āditya idam āsīt // (82) Par.?
sa idaṃ nirdahann acarat // (83) Par.?
taṃ devā ābhyāṃ parigṛhyāmuṃ lokam agamayan // (84) Par.?
sa na vyarocata // (85) Par.?
te prayājeṣu pañca hiraṇyakṛṣṇalāny ajuhavuḥ // (86) Par.?
tejo vai hiraṇyam // (87) Par.?
tejasaivāsmiṃs tejo 'dadhuḥ // (88) Par.?
tato vai sa tejo 'gṛhṇāt // (89) Par.?
sa imāḥ pañca diśo 'nu tejasvy abhavat // (90) Par.?
iyaṃ vai rajatāsau hiraṇyā // (91) Par.?
ābhyām evainaṃ parigṛhyāmuṃ lokaṃ gamayati // (92) Par.?
sa vai na virocata iti // (93) Par.?
āhuḥ // (94) Par.?
na hi sa vyarocateti // (95) Par.?
prayājeṣu pañca hiraṇyakṛṣṇalāni juhuyāt // (96) Par.?
tejo vai hiraṇyam // (97) Par.?
tejasaivainaṃ saṃsṛjati // (98) Par.?
sa imāḥ pañca diśo 'nu tejasvī bhavati // (99) Par.?
Duration=0.2529411315918 secs.