Texts

agne tava śravo vaya iti sikatā nivapati // (1.1) Par.?

etad vā agner vaiśvānarasya sūktam // (2.1) Par.?

sūktenaiva vaiśvānaram avarunddhe // (3.1) Par.?

ṣaḍbhir nivapati // (4.1) Par.?

ṣaḍ vā ṛtavaḥ saṃvatsaraḥ // (5.1) Par.?

saṃvatsaro 'gnir vaiśvānaraḥ // (6.1) Par.?

sākṣād eva vaiśvānaram avarunddhe // (7.1) Par.?

samudraṃ vai nāmaitac chandaḥ // (8.1) Par.?

samudram anu prajāḥ prajāyante // (9.1) Par.?

yad etena siktā nivapati // (10.1) Par.?

prajānām prajananāya // (11.1) Par.?

indro vṛtrāya vajram prāharat // (12.1) Par.?

sa tredhā vyabhavat sphyas tṛtīyaṃ rathas tṛtīyaṃ yūpas tṛtīyam // (13.1) Par.?

ye 'ntaḥśarā aśīryanta tāḥ śarkarā abhavan // (14.1) Par.?

tac charkarāṇāṃ śarkaratvam // (15.1) Par.?

vajro vai śarkarāḥ // (16.1) Par.?

paśur agniḥ // (17.1) Par.?

yac charkarābhir agnim pariminoti vajreṇaivāsmai paśūn parigṛhṇāti // (18.1) Par.?

tasmād vajreṇa paśavaḥ parigṛhītāḥ // (19.1) Par.?

tasmāt stheyān astheyaso nopaharate // (20.1) Par.?

trisaptābhiḥ paśukāmasya pariminuyāt // (21.1) Par.?

sapta vai śīrṣaṇyāḥ prāṇāḥ // (22.1) Par.?

prāṇāḥ paśavaḥ // (23.1) Par.?

prāṇair evāsmai paśūn avarunddhe // (24.1) Par.?

triṇavābhir bhrātṛvyavataḥ // (25.1) Par.?

trivṛtam eva varjaṃ saṃbhṛtya bhrātṛvyāya praharati // (26.1) Par.?

stṛtyai // (27.1) Par.?

aparimitābhiḥ pariminuyāt // (28.1) Par.?

aparimitasyāvaruddhyai // (29.1) Par.?

yaṃ kāmayetāpaśuḥ syād iti aparimitya tasya śarkarāḥ sikatā vyūhet // (30.1) Par.?

aparigṛhīta evāsya viṣūcīnaṃ retaḥ parāsiñcati // (31.1) Par.?

apaśur eva bhavati // (32.1) Par.?

yaṃ kāmayeta paśumānt syād iti parimitya tasya śarkarāḥ siktā vyūhet // (33.1) Par.?

parigṛhīta evāsmai samīcīnaṃ retaḥ siñcati // (34.1) Par.?

paśumān eva bhavati // (35.1) Par.?

saumyā vyūhati // (36.1) Par.?

somo vai retodhāḥ // (37.1) Par.?

reta eva tad dadhāti // (38.1) Par.?

gāyatriyā brāhmaṇasya // (39.1) Par.?

gāyatro hi brāhmaṇaḥ // (40.1) Par.?

triṣṭubhā rājanyasya // (41.1) Par.?

traiṣṭubho hi rājanyaḥ // (42.1) Par.?

śamyum bārhaspatyam medho nopānamat // (43.1) Par.?

so 'gnim prāviśat // (44.1) Par.?

so 'gneḥ kṛṣṇo rūpaṃ kṛtvodāyata // (45.1) Par.?

so 'śvam prāviśat // (46.1) Par.?

so 'śvasyāvāntaraśapho 'bhavat // (47.1) Par.?

yad aśvam ākramayati ya eva medho 'śvam prāviśat tam evāvarunddhe // (48.1) Par.?

prajāpatināgniś cetavya ity āhuḥ // (49.1) Par.?

prājāpatyo 'śvaḥ // (50.1) Par.?

yad aśvam ākramayati prajāpatinaivāgniṃ cinute // (51.1) Par.?

puṣkaraparṇam upadadhāti // (52.1) Par.?

yonir vā agneḥ puṣkaraparṇam // (53.1) Par.?

sayonim evāgniṃ cinute // (54.1) Par.?

apām pṛṣṭham asīty upadadhāti // (55.1) Par.?

apāṃ vā etat pṛṣṭhaṃ yat puṣkaraparṇam // (56.1) Par.?

rūpeṇaivainad upadadhāti // (57.1) Par.?