Texts

Help

Select a text:
Bibliography

Select a chapter:
(no revisions)

Associated topic(s): animal sacrifice, paśubandha, anvārambhana, sprinkling the animal, prokṣaṇa, upākaraṇa

Show parallels Show headlines
Use dependency labeler

Chapter id: 13921

Click on a sentence to show its analysis
Keep the mouse pointer over a lemma to show its meanings.

upākaraṇa

iṣe tveti barhir ādatta icchata iva hy eṣa yo yajate / (1.1) Par.?

upavīr asīty āhopa hy enān ākaroti / (1.2) Par.?

upo devān daivīr viśaḥ prāgur ity āha daivīr hy etā viśaḥ satīr devān upayanti / (1.3) Par.?

vahnīr uśija ity āhartvijo vai vahnaya uśijas tasmād evam āha / (1.4) Par.?

bṛhaspate dhārayā vasūnīti // (1.5) Par.?

āha brahma vai devānām bṛhaspatir brahmaṇaivāsmai paśūn avarunddhe / (2.1) Par.?

havyā te svadantām ity āha svadayaty evainān / (2.2) Par.?

deva tvaṣṭar vasu raṇvety āha tvaṣṭā vai paśūnām mithunānāṃ rūpakṛd rūpam eva paśuṣu dadhāti / (2.3) Par.?

revatī ramadhvam ity āha paśavo vai revatīḥ paśūn evāsmai ramayati / (2.4) Par.?

devasya tvā savituḥ prasava iti // (2.5) Par.?

raśanām ādatte prasūtyā aśvinor bāhubhyām ity āhāśvinau hi devānām adhvaryū āstām pūṣṇo hastābhyām ity āha yatyai / (3.1) Par.?

anvārambhana?

ṛtasya tvā devahaviḥ pāśenārabha ity āha satyaṃ vā ṛtaṃ satyenaivainam ṛtenārabhate / (3.2) Par.?

binding the animal

akṣṇayā pariharati vadhyaṃ hi pratyañcam pratimuñcanti vyāvṛttyai / (3.3) Par.?

dharṣā mānuṣān iti niyunakti dhṛtyai / (3.4) Par.?

prokṣaṇa

adbhyaḥ // (3.5) Par.?

tvauṣadhībhyaḥ prokṣāmīty āhādbhyo hy eṣa oṣadhībhyaḥ sambhavati yat paśuḥ / (4.1) Par.?

making the animal drink

apām perur asīty āhaiṣa hy apām pātā yo medhāyārabhyate / (4.2) Par.?

svāttaṃ cit sadevaṃ havyam āpo devīḥ svadatainam ity āha svadayaty evainam / (4.3) Par.?

upariṣṭāt prokṣaty upariṣṭād evainam medhyaṃ karoti pāyayaty antarata evainam medhyaṃ karoty adhastād upokṣati sarvata evainam medhyaṃ karoti // (4.4) Par.?

Duration=0.033723831176758 secs.